సక్సెస్ కోసం రీమేక్ అంటున్నాడే

టాలీవుడ్ లో ఒకప్పుడు తన కామెడీతో పంచులతో ప్రేక్షకులని అలరించిన సునీల్ ప్రస్తుతం హీరోగా ఎదగడానికి చాలా కష్టపడుతున్న విషయం తెలిసిందే. ఎలాగైనా హిట్ కొట్టాలని చేసిన ప్రతి సినిమాకి హార్డ్ వర్క్ చేస్తున్నా ఫలితం దక్కడం లేదు. కానీ ఈ సారి ఎలాగైనా హిట్ కొట్టాలని "ఉంగరాల రాంబాబు" అనే సినిమాతో రాబోతున్నాడు.

ఈ సినిమా ఈ శుక్రవారం థియేటర్స్ లో సందడి చేయనుంది. ఓనమాలు - మళ్లీ మళ్లీ ఇది రానిరోజు వంటి సినిమాలతో మంచి దర్శకుడిగా గుర్తింపు తెచ్చుకున్న క్రాంతి మాధవ్ ఉంగరాల రాంబాబు ను తెరకెక్కించాడు. అయితే సునీల్ ఈ సినిమా రిలీజ్ కాకముందే మరొక సినిమాను లైన్ లో పెట్టేశాడు. 2014లో తమిళ్ లో రిలీజ్ ఆయిన సతురంగా వెట్టయ్ అనే సినిమాను తెలుగులో రీమేక్ చేయడానికి రెడీ అయిపోయాడు.

ఆ సినిమా తమిళ్ లో చాలా పెద్ద హిట్ అయ్యింది. తెలుగులో చాలా మంది ఆ సినిమాపై మనస్సు పరేసుకున్నారు గాని ఎవరు రీమేక్ చేయలేకపోయారు. పూరి జగన్నాథ్ అందించిన రోమియో కథకు దర్శకత్వం వహించిన గోపి గణేష్‌ అనే యువ దర్శకుడు ఆ కథను తెరక్కేకించబోతున్నాడట. ఇక నిర్మాతగా నాని-జెంటిలిమెన్ వంటి హిట్ సినిమాను నిర్మించిన రమేష్ పిళ్ళై ఈ సినిమాను నిర్మించనున్నాడు. ప్రస్తుతం అంత పెద్దగా సక్సెస్ కానీ సునీల్ ఆ రియాలిస్టిక్ -థ్రిల్లర్ కథతో ఏ స్థాయి విజయాన్నీ అందుకుంటాడో చూడాలి.