సునీల్ 'కనబడుటలేదు'.. వెతికి పెట్టేది వాళ్లేనట!

క‌మెడియ‌న్ గా ఫుల్ స్వింగ్ లో ఉన్న‌ప్పుడే హీరోగా ఎంట్రీ ఇచ్చి సూప‌ర్ హిట్ అందుకున్నాడు సునీల్‌. ఆ త‌ర్వాత 'మ‌ర్యాద రామ‌న్న‌'తో బ్లాక్ బస్టర్ హిట్ సొంతం చేసుకున్నాడు. అప్పటి నుంచి ఆశించిన విజయం దక్కలేదీ కామెడీ హీరోకు. ఎన్ని ప్రయత్నాలు చేసినప్పటికీ సక్సెస్ కాకపోవడంతో కొంత కాలంగా సైలెంట్ గా ఉన్నాడు. ఇప్పుడు 'కనబడుట లేదు' అంటూ డిటెక్టివ్ గా ప్రేక్షకుల ముందుకు వచ్చేందుకు సిద్ధమవుతున్నాడు.

సంక్రాంతి సందర్భంగా ఓ పోస్టర్ ను రిలీజ్ చేశారు మేకర్స్. ''మీ సునీల్ ను డిటెక్టివ్ రామ కృష్ణుడిగా విష్కరిస్తున్నాం. తెరపై త్వరలో వినోదం'' అంటూ పోస్టర్ వదిలారు నిర్మాతలు. ఆ పోస్టర్ లో సునీల్ డిటెక్టివ్ లుక్ లో ఇన్వెస్టిగేట్ చేస్తూ కనిపించాడు.

అయితే.. లేటెస్ట్ గా మరో పోస్టర్ రిలీజ్ చేసింది స్పార్క్ ఓటీటీ సంస్థ. ఇందులో సునీల్ పిక్ఛర్ ను అద్బుతంగా డిజైన్ చేశారు. పూర్తిగా క్రైమ్ అంశాలతో నిండిపోయింది పోస్టర్. ఓ డైరీ కవర్ పేజీపై రక్తంతో వేసిన వేలిముద్ర ఉండగా.. ఆ ఫింగర్ ప్రింట్ లైన్స్ లో సునీల్ చిత్రాన్ని చూపించడం విశేషం. అంతేకాదు.. ఆ డైరీ పక్కన పిస్టల్.. డైరీపై బుల్లెట్లు కూడా ఉన్నాయి. డైరీతోపాటు అటు పక్కన, ఇటు పిస్టల్ కు రక్తం అంటుకొని ఉంది. డైరీ కింద భాగంలో 'కనుబడుట లేదు' టైటిల్ ప్లేస్ చేశారు. దీంతో చూడగానే.. క్రైమ్ సన్నివేశాలు కళ్లకు కడుతున్నట్టుగా ఉందా పోస్టర్.

కాగా.. ఈ సూపర్ పోస్టర్ తోపాటు మరో విషయాన్ని కూడా రివీల్ చేసింది 'స్పార్క్.' సునీల్ 'కనబడుట లేదు' చిత్రానికి సంబంధించిన అన్ని హక్కులనూ తాము సొంతం చేసుకున్నామని ప్రకటించింది. అంటే గతంలో ఎస్.ఎస్.ఫిలింస్ ఈ చిత్రాన్ని సంయుక్తంగా నిర్మిస్తున్నట్టు ప్రకటించిన విషయం తెలిసిందే. తాజా పరిణామాలతో సొంతంగానే తెరకెక్కిస్తున్నట్టు తేలిపోయింది.