స్టార్ హీరోయిన్ కాళ్ల‌పై ప‌డి న‌మ‌స్క‌రించిన హీరో

ఈ దృశ్యం చాలా అరుదైన‌ది. ఆమె స్టార్ హీరోయిన్. అత‌డు ఒక స్టార్ హీరో సోద‌రుడు. కానీ అత‌డు స‌ద‌రు స్టార్ హీరోయిన్ కాళ్ల‌కు మొక్కాడు. ఎంతో విన‌మ్రంగా చేతులు జోడించి ఆశీర్వాదం అందుకున్నాడు. ఇంత‌కీ ఈ సీన్ లో అత‌డెవ‌రు? ఆ స్టార్ హీరోయిన్ .. స్టార్ హీరో ఎవ‌రు? అంటే వివ‌రాల్లోకి వెళ్లాలి.

ఈ స‌న్నివేశంలో స్టార్ హీరోయిన్ క‌త్రిన కైఫ్. ఆమె భ‌ర్త విక్కీ కౌశ‌ల్ సోద‌రుడు స‌న్నీ కౌశ‌ల్ త‌న వ‌దిన‌మ్మ కాళ్ల‌పై పడి దీవెన‌లు అందుకున్నాడు. కత్రినా కైఫ్ బుధవారం తన సోషల్ మీడియా ద్వారా తన మ‌రిది గారు అయిన‌ నటుడు సన్నీ కౌశల్ పుట్టినరోజు సందర్భంగా శుభాకాంక్షలు తెలియజేసింది. ఈ సంద‌ర్భంగా అరుదైన ఫోటోల బంచ్ ని సామాజిక మాధ్య‌మాల్లో షేర్ చేసింది. గత ఏడాది డిసెంబర్ లో జరిగిన తన వివాహ వేడుకల నుంచి ఎంపిక చేసిన త్రోబ్యాక్ ఫోటో ఇందులో ఉంది.

ఎంతో హ్యాపీ మూడ్ లో ఉన్న ఈ ఫోటోలో సన్నీ కౌశల్ తన సోదరుడు వ‌దిన (విక్కీ- కత్రినా)ల నుంచి ఆశీర్వాదాలు తీసుకుంటున్నాడు. భారతీయ సంప్రదాయ దుస్తులు ధరించి క‌త్రిన ఈ ఫోటోలో ఎంతో ట్రెడిష‌న‌ల్ గా క‌నిపిస్తోంది. ఈ ఫోటోకు "జీతే రహో.. ఖుష్ రహో" అని అంద‌మైన‌ క్యాప్షన్ ఇచ్చింది.

విక్కీ కౌశల్ కూడా తన తమ్ముడి కోసం ఒక అందమైన సందేశాన్ని షేర్ చేసాడు. ఫోటోను షేర్ చేసి అత‌డిపై ప్ర‌శంస‌లు కురిపిస్తూ నోట్ రాసాడు. అత్యంత సర్వ గుణ సంపన్న (సర్వ్ గన్ సంపన్న) కౌశల్ కు పుట్టినరోజు శుభాకాంక్షలు! నిన్ను ప్రేమిస్తున్నాను స‌న్నీ.... అంటూ పోస్ట్ చివరలో కిస్ ఎమోజీ.. గుండె ఈమోజీని.. పుట్టినరోజు కేక్ ఎమోజీని కూడా జోడించాడు.

కెరీర్ మ్యాట‌ర్ కి వ‌స్తే... కత్రినా కైఫ్ తదుపరి శ్రీరామ్ రాఘవన్ 'మెర్రీ క్రిస్మస్' చిత్రంలో విజయ్ సేతుపతితో కలిసి నటించనుంది. అలాగే ఫోన్‌భూత్ త్వ‌ర‌లో విడుద‌ల కానుంది. సల్మాన్ ఖాన్ తో టైగర్ 3 కూడా ఏప్రిల్ 2023 విడుదలకు సిద్ధంగా ఉంది. అలియా భట్ - ప్రియాంక చోప్రాతో ఫర్హాన్ అక్తర్ తదుపరి 'జీ లే జరా'కు క‌త్రిన‌ సంతకం చేసింది.

మ‌రోవైపు విక్కీ కౌశల్ తదుపరి మేఘనా గుల్జార్ 'సామ్ బ‌హదూర్‌'లో సన్యా మల్హోత్రా - ఫాతిమా సనా షేక్ లతో క‌లిసి నటించనున్నారు. అతను సారా అలీ ఖాన్ తో లక్ష్మణ్ ఉటేకర్ త‌దుపరి చిత్రంలో న‌టిస్తాడు. మానుషి చిల్లర్ తో YRF తదుపరి చిత్రం చేయాల్సి ఉంది.విక్కీ సోద‌రుడు సన్నీ కౌశల్ నెట్ ఫ్లిక్స్ లో యామీ గౌతమ్ తో కలిసి చోర్ నికల్ కే భాగాలో కనిపించనున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.