పోటీ ఐటెం పాపను పొగుడుతున్న సన్నీ

సన్నీ లియోన్ ను ఇప్పుడు పోర్న్ స్టార్ అనడం చాలామంది తగ్గించేశారు. బాలీవుడ్ యాక్ట్రెస్ గా గుర్తించేందుకు ఇష్టపడుతున్నారు. ఇలా మారడంలో ఆమె కష్టం..సిన్సియారిటీ చాలానే ఉన్నాయి. ప్రధానంగా ఓ ఇంటర్వ్యూలో ఆమె ధైర్యంగా ఇచ్చిన ఆన్సర్స్.. ఏకంగా ఖాన్ లతో సినిమాలు చేసేందుకు కూడా కారణమైంది.

సన్నీతో కలిసి చేసేందుకు ఆమిర్ కూడా సై అన్నాడు కానీ.. ఆఫర్ మాత్రం షారూక్ ఖాన్ నుంచే వచ్చింది. రాయీస్ మూవీలో 'లైలా మై లైలా' సాంగ్ చేసింది సన్నీ లియోన్. రిపబ్లిక్ డే సందర్భంగా ఈ మూవీ రిలీజ్ కానుంది. అయితే.. ఇదే వారంలో మరో స్టార్ హీరో హృతిక్ రోషన్ నటించిన కాబిల్ మూవీ కూడా థియేటర్లలోకి వస్తోంది. ఇందులోనూ ఓ ఐటెం సాంగ్ ఉంది. 'హసీనో కా దీవానా' అంటూ సాగే ఈ పాటలో ఊర్వశి రౌతేలా అందాలు ఆరబోసింది. ఒకేసారి ఇద్దరు ఐటెం భామలు సత్తా చాటబోతున్నపుడు పోలికలు రావడం సహజమే.

'ఈ రెండు పాటలు పూర్తిగా విభిన్నంగా ఉంటాయి. ఒకేవారంలో రిలీజ్ కానుండడంతో పోలికలు పెడుతున్నారంతే. ఊర్వశి రౌతేలా అద్భుతంగా పెర్ఫామెన్స్ చేసింది. డ్యాన్స్ విషయంలో కూడా ఊర్వశి సూపర్' అంటూ తోటి పోటీ ఐటెం భామను మనసారా పొగిడేసింది సన్నీ లియోన్. బోల్డ్ బ్యూటీ ఇంత బోల్డ్ గా కాంపిటీటర్ ను పొగడ్డం అంటే గొప్ప విషయమే కదా.


Like Us on Facebook : https://www.facebook.com/Tupakidotcom/