అంతన్నారు.. ఇంతన్నారు..

పోర్న్ స్టార్ గా కెరీర్ మొదలు పెట్టినా బాలీవుడ్ లోకి అడుగు పెట్టాక సన్నీలియోన్ కు విపరీతమైన క్రేజ్ వచ్చేసింది. ముఖ్యంగా ఆమె చేస్తున్న ఐటం సాంగులు యమాగా క్లిక్ అవుతుండటంతో దర్శక నిర్మాతలంతా సన్నీ ముందు క్యూ కట్టేస్తున్నారు. సన్నీ ఓ పాటకు డ్యాన్స్ చేసిందంటే టోటల్ గా ఆ సినిమాపైనే ఆసక్తి పెరుగుతోంది. అదే ఆస్తకిని వాడుకుందామని పి.ఎస్.వి.గరుడవేగ 126.18ఎం యూనిట్ అనుకుంది. అదికాస్తా ఎందుకో తుస్సుమనిపించింది.

రాజశేఖర్ హీరోగా నటించిన గరుడ వేగ భారీ బడ్జెట్ తోనే తెరకెక్కింది. సినిమాపై బజ్ క్రియేట్ చేసేందుకు సన్నీలియోన్ తో డియ్యో.. డియ్యో అనే పాట చిత్రీకరించారు. దాంతోపాటు ఈ సినిమా రిలీజ్ ఈవెంట్ లో సన్నీ డ్యాన్స్ షో కూడా ఉంటుందని ప్రకటించారు. దీంతో అభిమానులంతా ఎంతో ఆసక్తిగా ఎదురుచూస్తే ఆమె స్టేజ్ పైకొచ్చి యాంకర్లతో కలిసి ఓ స్టెప్పు మాత్రం అంతటితో సరిపెట్టేసింది. లైవ్ డ్యాన్స్ షో ఉంటుందని అభిమానులు ఆశతో వస్తే టీజర్ టైపులో సరిపెట్టేసింది.

ఇంతకీ సన్నీ ఈ రేంజిలో అభిమానులు నిరాశ పరచడానికి వెనుక కారణం ఏమిటి? నిర్మాతలు డ్యాన్స్ చేయడం కోసం ఇంప్రెస్ అయ్యేంత మొత్తం ఆఫర్ చేయలేదేమో అన్న మాట వినిపిస్తోంది. ఏదేమైనా సన్నీ డ్యాన్స్ షో పై సృష్టించిన హైప్ చివరకు ఇలా తుస్సుమనిపించింది. గుంటూరు టాకీస్ ఫేం ప్రవీణ్ సత్తారు డైరెక్షన్ లో రూపొందిన ఈ మూవీలో విశ్వరూపం ఫేం పూజాకుమార్ హీరోయిన్ గా నటించింది.