స‌న్నీ అల‌సిసొల‌సి విసిగిపోయిందా?

శృంగార తార స‌న్నీలియోన్ కెరీర్ మెలో డ్రామా గురించి తెలిసిందే. తొలుత ఉపాధి కోసం.. అమెరికా.. కెన‌డా స‌హా ప‌లుచోట్ల సినిమా స్టూడియోల‌తో కాంట్రాక్టులు కుదుర్చుకుని పోర్న్ సినిమాల్లో న‌టించింది. అనంత‌ర కాలంలో త‌న‌లోని అంత‌ర్మ‌ధ‌నం త‌న త‌ప్పుల్ని ఎత్తి చూప‌డంతో పాత జీవితానికి స్వ‌స్థి చెప్పి బాలీవుడ్ లో క‌థానాయిక‌గా అడుగులు వేసింది. త‌న‌కు ఇష్టుడైన డేనియ‌ల్ వెబ‌ర్ ని పెళ్లాడి అత‌డితో కొత్త జీవితాన్ని సాగిస్తోంది. ప్ర‌స్తుతం స‌రోగ‌సీ కిడ్స్ స‌హా ద‌త్త పుత్రులు...పుత్రిక‌ల‌తో కాల‌క్షేపం చేస్తూ వేడెక్కిస్తోంది.

ఇటీవ‌లే స్టార్ స్ట‌క్ సౌంద‌ర్య ఉత్ప‌త్తుల కంపెనీని స్థాపించి దానికి ప్ర‌చారం చేస్తోంది స‌న్నీ. ఈ బిజినెస్ ఎదురే లేకుండా విజ‌య‌వంతంగా సాగుతోంది. మ‌రోవైపు సినిమాల ప‌రంగా స్పీడ్ త‌గ్గించినా కార్పొరెట్ బ్రాండ్ల ప్ర‌మోష‌న్స్ తో మాత్రం భారీగానే ఆర్జిస్తోంది. ఎంత‌గా అంటే ఇదిగో ఇలా అల‌సిసొల‌సి విసిగిపోయేంత‌గా...

''వ‌ర్కింగ్ అండ్ వెయిటింగ్ .. వ‌ర్కింగ్ అండ్ వెయిటింగ్... ఇంకా వీకెండ్ రాలేదా?'' అంటూ ఎంతో మ‌ద‌న‌ప‌డుతూ విచారాన్ని వెలిబుచ్చింది. అంత‌గా శాడ్ నెస్ తో ఇలా బిజీ షెడ్యూల్స్ కి అంకిత‌మ‌వ్వాల్సిన దుస్థితి ఏంటో? బ‌హుశా ఫ్యామిలీ లైఫ్ తో రిలాక్స్ అవ్వ‌డం వ‌ల్ల కొంత ప‌ని చేసినా ఇలానే అల‌సిపోయిన ఫీలింగ్ క‌లుగుతోందేమో? ఇన్నాళ్లు ర‌క‌ర‌కాల కోణాల్లో స‌న్నీ అల‌సి సొల‌సి విసిగెత్తిపోయింది. ఒక శృంగార తార‌ను ఈ ప్ర‌పంచం ఏ కోణంలో చూస్తుంది? మార్పు వ‌చ్చాకా మ‌నిషి ఎలా ప్ర‌వ‌ర్తిస్తాడు? అన్న‌ది ప్ర‌త్య‌క్షంగా చూసి అల‌సిపోయింద‌న్న‌మాట‌. ఇక స‌న్నీ కెరీర్ ని ప‌రిశీలిస్తే తెలుగు-త‌మిళం- హిందీ త్రిభాషా చిత్రంగా ప్రారంభ‌మైన వీర‌మాదేవి రిలీజ్ కి వ‌స్తుందా.. రాదా? అన్న‌ది ఇప్ప‌టికైతే స‌స్పెన్స్.