ఆ పాఠాల కోసం స‌న్నీ స్కూలుకు..

పేరుకు పోర్న్ తారే అయినా.. ఇండియాకు వ‌చ్చిన త‌ర్వాత మొత్తంగా మారిపోయింది స‌న్నీలియాన్‌. త‌న‌కున్న గ‌తాన్ని.. గ‌త ఇమేజ్‌ను పూర్తిగా మార్చేయ‌ట‌మే కాదు.. రోజులు గ‌డుస్తున్న కొద్దీ.. త‌న‌లోకి కొత్త కొత్త యాంగిల్స్‌ను ప్ర‌ద‌ర్శిస్తూ ప‌లువురు మ‌న‌సుల్ని దోచుకుంటోంది. మొద‌ట్లో ఆమె ఫోటోలు చూసినా పాప‌మే అన్న‌ట్లుగా ఉండే స్థానే.. ఇప్పుడు ఆమె గురించి చర్చించుకునే వ‌ర‌కూ త‌న‌ను తాను మార్చుకుంది స‌న్నీ.

స్కిన్ షో మీద‌నే ఫోక‌స్ చేయ‌కుండా.. త‌న బ్రెయిన్‌ లో ఉన్న గుజ్జు ఉంద‌న్న విష‌యాన్ని స‌మ‌యానికి త‌గ్గ‌ట్లు బ‌య‌ట‌పెడుతూ.. త‌న క్రేజ్‌ను అంత‌కంత‌కూ పెంచుకుంటోంది. వ‌ర‌స‌పెట్టి వ‌చ్చిన అవకాశాల్ని స‌ద్వినియోగం చేసుకోవ‌ట‌మే కాదు.. త‌న‌దైన వ్య‌క్తిత్వంతో ప‌లువురి మ‌న‌సుల్ని దోచుకోవ‌టంలోనూ స‌క్సెస్ సాధించింది.

ప్ర‌స్తుతానికి చేతిలో సినిమాలు లేని ఈ ర‌స‌సుంద‌రి.. త‌న ఫోక‌స్‌ ను మార్చేసింది. అప్పుడెప్పుడో స్ట్రిప్ట్ రైటింగ్‌.. ఎడిటింగ్ కోర్సు చేయాల‌న్న త‌న అభిలాష‌ను తీర్చుకునేందుకు సిద్ధ‌మైంది. ఇందుకోసం.. లాస్ ఏంజెల్స్‌కు ప‌య‌న‌మ‌వుతోంది. అప్పుడెప్పుడో స్కూలుకు వెళ్లి చేయాల‌నుకున్న కోర్సును ఇప్పుడు పూర్తి చేయాల‌ని డిసైడ్ అయ్యింది. కోర్సులో చేర‌టానికి ముందు దుబాయ్ లో జ‌రిగిన కార్య‌క్ర‌మానికి హాజ‌రై స‌న్నీ.. బుద్ధిగా చ‌దువుకోవ‌టానికి స్కూలుకు వెళ్లింద‌ని చెబుతున్నారు. ఇవండీ.. స‌న్నీ స్కూలు ముచ్చ‌ట్లు.

Like Us on Facebook : https://www.facebook.com/Tupakidotcom/