వీడియో టాక్‌: హొయలతో లేటెస్ట్ లైలా

36 ఏళ్ల క్రితం అంటే 1980లో కుర్బానీ మూవీలో 'లైలా మై లైలా..' అంటూ సాగే క్లబ్ సాంగ్ పెను సంచలనం. జీనత్ అమన్ ఈ పాటలో వేసిన డ్యాన్సులు.. చూపిన షోకులు ఆ తరాన్ని వెర్రెక్కించేశాయి. ఇప్పుడదే పాటను సన్నీలియోన్ తో నటింపచేయాలనే ఆలోచనే.. సూపర్ గా క్లిక్ అయింది. అది కూడా బాలీవుడ్ బాద్షా అయిన షారూక్ ఖాన్ నటించిన రాయీస్ మూవీలో ఈ ఐటెం సాంగ్ ను పెట్టడంతో.. బాలీవుడ్ అంతా ఆసక్తిగా ఎదురుచూస్తోంది.

తాజాగా లైలా రూపంలో సన్నీ లియోన్ ఎలా ఉంటుందో ఓ ఫస్ట్ లుక్ ఇచ్చిన యూనిట్.. ఇప్పుడు సాంగ్ ను రిలీజ్ చేసింది. పూర్తిగా కాకపోయినా.. పాటలో సగాన్ని ప్రమోషన్స్ కోసం ఇచ్చేశారు. లైలా మై లైలా అంటూ సన్నీ లియోన్ ఆడుతుంటే.. చూసేందుకు అభిమానులకు రెండు కళ్లు చాలలేదు. జీనత్ అమన్ మరిపించేసిందని చెప్పలేం కానీ.. అందుకు ఏమాత్రం తగ్గకుండా తన ట్యాలెంట్ చూపించింది సన్నీ.

కళ్యాణ్ జీ-ఆనంద్ జీలు అందించిన ట్యూన్ ను ఇప్పుడు రామ్ సంపత్ రీక్రియేట్ చేశాడు. పాట ఒరిజినాలిటీని.. హుందాతనాన్ని ఏ మాత్రం చెడగొట్టకుండా రీమిక్స్ చేయగలగడం మాత్రం అభినందిచాల్సిన విషయం. రెండూ క్లబ్ డ్యాన్స్ కాన్సెప్ట్ లోనే వచ్చేసరికి.. అప్పటిపాటకు ఇప్పటి అప్డేటెడ్ వెర్షన్ మాదిరిగా తప్ప.. లైలా మాత్రం ఇరగదీసేసిందనే చెప్పాలి. ఈ పాటలో షారూక్ ఖాన్ ని సన్నీ లియోన్ డానినేట్ చేసేసింది అనడంలో తప్పేం లేదని.. పాట చూసిన తర్వాత ఒప్పుకోక తప్పదు.



Like Us on Facebook : https://www.facebook.com/Tupakidotcom/