ఫోటో స్టోరి: సన్నీ లియోన్.. డియో డియో

సినిమాల్లో యాక్షన్స్ - రొమాన్స్ అలాగే కామెడీ అంతగా లేకపోయినా పర్లేదు కానీ ఒక ఐటెమ్ సాంగ్ ఉండాలంటున్నారు కొందరు దర్శకులు. సినిమా భారీ స్థాయిలో తెరకెక్కించినపుడు క్లయిమాక్స్ లో ఒక ఐటెమ్ సాంగ్ పడిందంటే ఆ కిక్ వేరేలా ఉంటుంది. ఇక ఆ స్పెషల్ సాంగ్స్ లో స్పెషల్ భామలు కనిపిస్తే ఇంకా కొత్తగా ఉంటుంది.

ఇప్పుడు చాలావరకు హీరోయిన్స్ కూడా స్పెషల్ సాంగ్స్ కి సై అంటున్నారు. అయితే వారికి తన అందాలతో గట్టి పోటీని ఇస్తోంది పోర్న్ ప్రపంచపు మాజీ సుందరి సన్నీ లియోన్. అమ్మడు చేసిన ప్రతి సినిమాలో తన అందాలను కొత్తగా చూపిస్తూ ఆకర్షిస్తోంది. నార్త్ లోనే కాకుండా సౌత్ లోను ఐటమ్ సాంగ్స్ తో అదరగొడుతోంది. ప్రస్తుతం మరో తెలుగు సినిమాతో అదే స్థాయిలో రచ్చ చేసేందుకు రెడీ అవుతోంది. రాజశేఖర్ కెరీర్ లోనే అత్యంత భారీ స్థాయిలో ప్రవీణ్ సత్తారు గరుడవేగ సినిమాను తెరకెక్కిస్తున్న సంగతి తెలిసిందే. అయితే ఆ సినిమాలో సన్నీ ఒక ఐటమ్ సాంగ్ చేస్తోంది. సినిమాలో ఆ పాట స్పెషల్ గా నిలవనుందట. కథను మలుపుతిప్పే ఎపిసోడ్ లో ఆ పాటను అందంగా తెరకెక్కించారట చిత్ర యూనిట్. 60 మంది డ్యాన్సర్స్ తో కొరియో గ్రాఫర్ విష్ణు దేవా నేతృత్వంలో చిత్రీకరణను జరుపుతున్నారట. ముంబై లో వేసిన ఓ భారీ సెట్ లోఈ పాట షూటింగ్ జరుగుతోంది.

బెంగాల్ టైగర్ సినిమాకు సంగీతం అందించిన భీమ్స్ ఆ పాటను కంపోస్ చేస్తున్నాడు. డియో డియో అని మొదల్లవ్వనున్న ఈ సాంగ్ లో సన్నీ చాలా కొత్తగా కనిపించనుందట. ఎప్పుడు కనిపించని విధంగా స్పైసి డ్రెసులతో చాలా గ్లామర్ గా కనిపించనుందని టాక్. మరి ఈ సినిమాకి సన్నీ అందాలు ఎంతవరకు ఉపయోగపడతాయో చూడాలి.