ఏంటీ.. సన్నీ లియోన్ అంత దూరం నడిచిందా...!

సినీ ప్రేక్షకులకు సన్నీ లియోన్ గురించి ప్రత్యేక పరిచయం అవసరం లేదు. సన్నీ అంటే పేరు కాదు ఓ బ్రాండ్ అనే లెవల్లో క్రేజ్ తెచ్చుకుంది ఈ హాట్ బ్యూటీ. ఒకప్పుడు పోర్న్ ప్రపంచాన్ని మకుటం లేని మహారాణిగా ఏలిన సన్నీ.. బిగ్ బాస్ రియాలిటీ షో ద్వారా బాలీవుడ్‌ ప్రేక్షకులకు పరిచయమైంది. ఇంకేముంది శృంగార తార నుంచి సినిమా స్టార్‌ గా మారిపోయింది. వరుస సినిమాలు చేస్తూ తన అందం.. వంపు సొంపులతో కుర్రకారుకి మత్తెక్కెంచింది. ప్రపంచ వ్యాప్తంగా వీరాభిమానులను సంపాదించుకున్న సన్నీ.. తెలుగులో 'కరెంట్ తీగ' సినిమాలో నటించింది. 'పీఎస్‌వీ గరుడవేగ’ సినిమాలో డియో డియో డిసక డిసక అంటూ ఒక ఊపు ఊపింది. వెండితెర పైనే కాకుండా సోషల్ మీడియా ద్వారా కూడా సన్నీ తనను ఆరాధించే రసిక హృదయాలకు టచ్ లో ఉంటుంది.

కాగా కరోనా వైరస్ కారణంగా ఇన్నాళ్లు ఇంట్లో బందీ అయిన సన్నీ లియోన్.. ర‌క‌రకాల పోస్టులు పెడుతూ సోషల్ మీడియాలో రచ్చ చేసింది. అయితే ఈ మధ్య సెలబ్రిటీలు అందరూ బయటకు వస్తున్న నేపథ్యంలో సన్నీ కూడా బయటకు వచ్చింది. బయటకు రావడమే కాకుండా కొండ ప్రాంతంలో ఏకంగా 14 కిలోమీటర్లు నడిచింది. ఈ విషయాన్ని ఇంస్టాగ్రామ్ ద్వారా వెల్లడించిన సన్నీ లియోన్.. లేచిన దగ్గర నుంచి ఇప్పటి వరకు 14 కిలోమీటర్లు నడిచానని చెప్తూ కొండ ప్రాంతంలో దిగిన ఓ ఫోటోని జత చేసింది. ఈ ఫొటోలో ఎల్లో కలర్ టీ షర్ట్ - బ్లాక్ షార్ట్ ధరించి విక్టరీ సింబల్ చూపిస్తోంది. కరోనా టైం కాబట్టి మాస్క్ కూడా దగ్గర పెట్టుకుంది. ఇంకేముంది సన్నీ అంత దూరం నడిచిందా అంటూ నెటిజన్స్ కామెంట్ల మీద కామెంట్లు పెడుతూ లైక్స్ కొడుతున్నారు. వైరల్ అవుతున్న ఈ ఫోటోకి 1 మిలియన్స్ కి పైగా లైక్స్ వచ్చాయంటేనే సన్నీకి సోషల్ మీడియాలో ఎంత క్రేజ్ ఉందో అర్థం చేసుకోవచ్చు.