మెగాస్టార్ కోసం సన్నీ స్పెషల్ సాంగ్!

ఈరోజు మెగాస్టార్ అమితాబ్ బచ్చన్ పుట్టినరోజు సందర్భంగా దేశంలోనే కాదు ప్రపంచ వ్యాప్తంగా ఉన్న ఆయన అభిమానులు రకరకాలుగా ఆయనకు జన్మదిన శుభాకాంక్షలు చెబుతున్నారు. ఈ సమయంలో అమితాబ్ పై తనకున్న అభిమానాన్ని విభన్నంగా చాటుకుంది సన్నీ లియోన్. సన్నీ అనే కాదు ఎవరికి మాత్రం బిగ్‌ బీ అమితాబ్ బచ్చన్ అంటే ఇష్టం ఉండదు చెప్పండి. కశ్మీర్ నుంచి కన్యాకుమారి వరకు ఆయనకు ఫ్యాన్స్ ఉన్నారు. ఇలాంటి ఫ్యాన్స్ లిస్ట్ లో బాలీవుడ్ శృంగారతార సన్నీలియోన్ పేరు కూడా ప్రధానమైందే. అయితే అమితాబ్ పుట్టినరోజు సందర్భంగా సన్నీ ఒక ప్రత్యేకమైన వీడియోను రూపొందించింది.

తెల్లటి టాప్ - జీన్స్ షార్ట్ వేసుకున్న సన్నీలియోన్... తన పెంపుడు కుక్కతో కలిసి ఒక వీడియో రూపొందించింది. ఈ వీడియోలో అమితాబ్ కోసం ఒక పాట కూడా పాడిన సన్నీ... "హేపీ బర్త్‌ డే అమిత్ జీ" అంటూ ముగించింది. ట్విట్టర్ లో అమితాబ్ బచ్చన్‌ కు ఈ వీడియోను పంపించింది. ఈ సన్నీ సూపర్ శుభాకాంక్షల ట్వీట్ కు ప్రముఖ దర్శకుడు పూరీ జగన్నాథ్ కూడా ఈ వీడియోను రీట్వీట్ చేసి, అమితాబ్ పట్ల తన గౌరవాన్ని చాటుకున్నారు.



Like Us on Facebook : https://www.facebook.com/Tupakidotcom/