నేనొస్తున్నా.. ఈ ముద్దు ఉంచండే

ఈ నెల 27న హైదరాబాదులో ఒక పెద్ద 'రిలీజ్ మిషన్' జరగనుంది. అక్కడ పెద్ద పెద్ద ఫీట్లు చేసిన ఒక పోలీస్ ఆఫీసర్ తో పాటు.. ఆయనతో ఆ ఫీట్లు చేయించిన వ్యక్తి వస్తారు. అంతేకాదు.. ఆ ఫీట్లన్నీ త్వరలో మనం చూడ్డానికి అప్పటినుండే కౌంట్ డౌన్ స్టార్ట్ అవుతుంది. ఆ రోజున అక్కడో సెక్స్ బాంబ్ కూడా పేలనుంది తెలుసా. అబ్బే ఏం లేదండీ బాబూ.. ఆ రోజున 'గరుడవేగ' ప్రీ రిలీజ్ ఈవెంట్ జరగనుంది.. అక్కడ సన్నీ లియోని ఆడనుంది.

ఇప్పుడు ఈ ఈవెంటుకు సన్నీ లియోని వస్తోందని ఒకసారి.. అబ్బే ఎక్కువపైకం అడిగింది ఆడటానికి.. అందుకే రావట్లేదు అని మరోసారి మనం చాలా రూమర్లు విన్నాం. అయితే సన్నీ మాత్రం తాను ఈ ఈవెంటుకు వస్తున్నట్లు ఏకంగా ఒక వీడియో ద్వారా ప్రకటించింది. ఈ నెల 27న ఆ ఈవెంట్లో అమ్మడు 'డియో డియో' అంటూ సినిమాలో తాను చేసిన ఐటెం సాంగుకు స్టెప్పులేయనుందట. మీరందరూ మిస్సవ్వకండి వచ్చేయండి అంటూ ఇప్పుడు వీడియో మెసేజ్ ఇచ్చేసరికి.. ఆ మెసేజ్ అందుకున్న యూత్.. మీడియా.. అందరూ ఉవ్విళ్ళూరిపోతున్నారు. ఎప్పుడెప్పుడు సన్నీ వస్తుందా అని ఇప్పటినుండే నిద్రపోవడం మానేసి వెయిట్ చేస్తున్నారు.

నిజానికి గరుడవేగ సినిమాకు కావల్సినంత బజ్ ఇంకా రాలేదు. మరి త్వరలో రిలీజ్ కానున్న ఈ సినిమాకు సన్నీ లియోని రాకతో ఏదన్నా మిరాకిల్ జరుగుతుందేమో చూడాలి. అయితే ఈ కార్యక్రమానికి సన్నితో పాటుగా నందమూరి బాలకృష్ణ కూడా వస్తున్నారని టాక్. ఇకపోతే ఆ 'ముద్దు' గురించేనా మీ వర్రీ అంతా?? తన మెసేజ్ చివర్లో.. ఇదుంచండి అన్నట్లు ఒక ఫ్లయింగ్ కిస్ ఇచ్చింది సన్నీ. అబ్బో చాలామంది దాన్ని క్యాచ్ పట్టుకుని పాకెట్లో వేసుకున్నారులే.