ప్రో కబడ్డీలో ఊహించని పని చేయనున్న సన్ని

అడల్ట్ ఇండస్ట్రీ నుంచి వచ్చినా.. అంతులేని అభిమానాన్ని సొంతం చేసుకోవటం సన్నీ లియోన్ కే సాధ్యమని చెప్పాలి. ఎన్నో అడ్డంకుల్ని.. ఇబ్బందుల్ని అధిగమించి.. బాలీవుడ్ లో ఎదుర్కొన్న ఆమె పేరే ఇప్పుడో సంచలనంగా చెప్పాలి. ఆమె చేసే ప్రతి పని ఒక వార్తగా మారటం తెలిసిందే. తాజాగా ప్రో కబడ్డీ లీగ్ లో సన్నీ లియోన్ తళుక్కున మెరవనుంది.

హైదరాబాద్లో జరిగే ప్రో కబడ్డీ లీగ్ తదుపరి మ్యాచ్ కు సన్నీలియోన్ ను తీసుకురావాలని నిర్వాహకులు భావిస్తున్నట్లుగా చెబుతున్నారు. ఇప్పటికే పలువురు తారల్ని ప్రో కబడ్డీ మ్యాచ్ లకు తీసుకొచ్చి సందడి చేస్తున్నారు. సన్నీ లియోన్ ను మ్యాచ్ కు కానీ తీసుకొస్తే.. ప్రో కబడ్డీ లీగ్ కు మరింత ప్రచారం లభిస్తుందని ఆలోచనలో నిర్వాహకులు ఉన్నట్లుగా తెలుస్తోంది. ఇంతకీ సన్నీ ఆంటీ ప్రో కబడ్డీకి వచ్చి ఏం చేయనున్నారంటే.. మీరు ఊహించని బాధ్యత ఒకటి చేపట్టనున్నారు.

లీగ్ మ్యాచ్ లో మెరవనున్న ఆమె.. మ్యాచ్ ముందు జాతీయ గీతాన్ని ఆలపించేందుకు ఆమె వస్తున్నారు. సన్నీ లియోన్ తో పాటు.. తెలుగు టైటాన్స్ జట్టుకు బ్రాండ్ అంబాసిడర్ అయిన దగ్గుబాటి రానా.. రకుల్ ప్రీత్ సింగ్.. మధుమితా మహాపాత్ర.. మెర్లిన్ డిసౌజా కూడా జాతీయ గీతాన్ని ఆలపిస్తారని తెలుస్తోంది.