బంపరాఫర్: సన్నీతో కారు కడిగించుకుంటారా?

బంపర్ ఆఫర్ అనే మాటకు అసలైన అర్థం ఇది. ప్రపంచ ప్రఖ్యాత పోర్న్ స్టార్ సన్నీ లియోన్ తో మీ కారు కడిగించుకునే అద్భుత అవకాశం కల్పించింది ‘మస్తీ జాదే’ చిత్ర యూనిట్. అందుకోసం మీరు చేయాల్సిందల్లా చాలా సింపుల్. మీ కారు కడిగి ఆ వీడియో షూట్ చూసి ‘మస్తీ జాదే’ టీంకు పంపించండి చాలు. ఐతే ఊరికే మామూలుగా కారు కడిగేస్తే కుదరదు. ఆ మధ్య ‘మస్తీ జాదే’ సినిమా షూటింగ్ లో భాగంగా సన్నీ లియోన్ బికినీ వేసుకుని కారు కడుగుతుండగా తీసిన వీడియో ఒకటి రిలీజ్ చేశారు గుర్తుంది కదా. అచ్చం అలాగే హొయలు పోతూ కారు కడగాలి. అలాగని బికినీ ఏమీ వేసుకోనక్కర్లేదు.

తమకు వచ్చిన వీడియోల్లో బెస్ట్ వీడియోను సెలెక్ట్ చేసి.. ఆ యజమాని కారును సన్నీతో కడిగిస్తారన్నమాట. సన్నీ తన టీంతో కలిసి మీ ఊరికే, మీ ఇంటికే వచ్చి మరీ కారు కడిగిపెడుతుంది. మీతో కలిసి ఫొటోలు కూడా దిగుతుంది. కాకపోతే సన్నీ మీ కారు కడిగేటపుడు బికినీయే వేసుకుంటుందా.. లేదా వేరే డ్రెస్ వేసుకుంటుందా అన్నది ఇంకా క్లారిటీ లేదు. ఈ నెల 29న ‘మస్తీ జాదే’ విడుదలవుతున్న నేపథ్యంలో ఇన్నొవేటివ్ ప్రమోషన్లలో భాగంగా చిత్ర బృందం ప్రకటించిన కాంటెస్ట్ ఇది. మరి వలర్డ్ వైడ్ ఫాలోయింగ్ ఉన్న సన్నీతో మీ కారు శుభ్రం చేయించుకునే అద్భుత అవకాశాన్ని పొందడానికి అర్జెంటుగా బకెట్ పట్టుకుని తయారైపోండి.