16కోట్లతో కొత్త ఇల్లు కొనుగోలు చేసిన సన్నీలియోన్.. ఎక్కడంటే??

బాలీవుడ్ నటి సన్నీలియోన్.. గురించి గ్లామర్ ప్రియులకు, సినీప్రేక్షకులకు ప్రత్యేకంగా చెప్పాల్సిన అవసరం లేదు. ఎందుకంటే మాజీ శృంగారతారగా ప్రపంచదేశాలకు సన్నీ సుపరిచితమే. కొన్నేళ్లుగా బాలీవుడ్ ఇండస్ట్రీలో స్థిరపడింది. ఐటమ్ సాంగ్స్ తో పాటు లీడ్ క్యారెక్టర్స్ కూడా పోషిస్తూ సన్నీ తనకంటూ ప్రత్యేక గుర్తింపును సొంతం చేసుకుంది. ప్రస్తుతం అమ్మడు భర్త, ముగ్గురు పిల్లలతో ఫ్యామిలీ లైఫ్ ఎంజాయ్ చేస్తోంది. ఇదిలా ఉండగా.. ఇటీవలే సన్నీ ఓ విలాసవంతమైన అపార్ట్మెంట్ కొనుగోలు చేసి వార్తలలో నిలిచింది. ఇప్పటికే సన్నీ బెవర్లీ హిల్స్ షెర్మాన్ ఓక్స్ లో ఓ పోష్ బంగ్లాను కలిగి ఉండగా.. ఇప్పుడు ముంబైలోని అంధేరి శివారులో కొత్త అపార్ట్మెంట్ కొనుగోలు చేసింది.

బాలీవుడ్ నివేదికల ప్రకారం.. అండర్ కన్స్ట్రక్షన్ లో ఉన్నటువంటి అట్లాంటిస్ అపార్ట్మెంట్ లోని 12వ అంతస్థును సన్నీ.. 16 కోట్లకు కొనుగోలు చేసిందట. సన్నీ 2021 మార్చి 28న 16 కోట్లతో 3,967 చదరపు అడుగుల విస్తీర్ణంలో 5BHK కొత్త ఫ్లాట్‌ను కొనుగోలు చేసింది. రియల్టర్ క్రిస్టల్ ప్రైడ్ డెవలపర్స్ ప్రస్తుతం ఆ అపార్ట్మెంట్ ను డెవలప్ చేసే పనిలో ఉన్నారు. అలాగే ఈ అపార్ట్మెంట్ కు సంబంధించిన లావాదేవీలను మార్చి 28న 48 లక్షల స్టాంప్ డ్యూటీతో పూర్తిచేసిందట. అలాగే అపార్ట్మెంట్ ను కరణ్ జీత్ కౌర్ వోహ్రా పేరుతో నమోదు చేసుకుంది. ఈ అపార్ట్మెంట్ కు డెవలపర్లు మూడు యాంత్రిక కార్ పార్కింగ్‌ లను ఏర్పాటు చేయనున్నారట. ఇక సన్నీ వర్క్ ప్రకారం.. ప్రస్తుతం రియాలిటీ షో స్ప్లిట్స్విల్లా సీజన్ 13 షూటింగ్‌లో బిజీగా ఉంది. దీనితో పాటు విక్రమ్ భట్ నిర్మించనున్న వెబ్ సిరీస్ 'అనామిక' చిత్రీకరణలో కూడా సన్నీలియోన్ పాల్గొంటుంది.