ఆర్‌ఆర్‌ఆర్‌ కి ఆస్కార్‌ కాకుండా మరోటి..!

టాలీవుడ్‌ జక్కన్న రాజమౌళి దర్శకత్వంలో రూపొందిన ఆర్‌ ఆర్‌ ఆర్‌ సినిమా జాతీయ స్థాయిలో దక్కించుకున్న వసూళ్ల విషయం గురించి ఇప్పటి వరకు చర్చ జరిగింది. ఇప్పుడు అంతర్జాతీయ స్థాయిలో దక్కుతున్న గౌరవం మరియు అవార్డుల గురించి చర్చ మొదలు అయ్యింది. ఆర్ ఆర్‌ ఆర్‌ సినిమా ఆస్కార్‌ నామినేషన్‌ ను దక్కించుకోవడం ఖాయం అంటూ అంతా నమ్మకంతో ఉన్నారు.

ప్రైవేట్‌ గా ఆర్ ఆర్ ఆర్ సినిమా యూనిట్‌ సభ్యులు నామినేషన్‌ కోసం ప్రయత్నాలు చేస్తున్నారు. ఆస్కార్‌ అవార్డు ఏమో కానీ పలు అంతర్జాతీయ స్థాయి అవార్డులు ఈ సినిమాకు దక్కుతున్నాయి.

ఆస్కార్‌ ముందు ఇలా అంతర్జాతీయ స్థాయి అవార్డులు రావడం పట్ల చిత్ర యూనిట్‌ సభ్యులు ఆనందం వ్యక్తం చేస్తున్నారు. రాబోయే రోజుల్లో ఆస్కార్‌ అవార్డ్‌ కూడా దక్కడం ఖాయం అంటున్నారు.

తాజాగా ఆర్‌ఆర్‌ఆర్‌ సినిమా సన్ సెట్‌ సర్కిల్‌ అవార్డును సొంతం చేసుకుంది. ఉత్తమ ఇంటర్నేషనల్‌ ఫీచర్డ్‌ ఫిల్మ్‌ కేటగిరీలో ఆర్ ఆర్ ఆర్‌ సినిమాకు గాను సన్ సెట్‌ సర్కిల్‌ అవార్డు దక్కింది.

అంతర్జాతీయ స్థాయిలో వీరు సినిమాలకు అవార్డులు ఇస్తున్నారు. ఆస్కార్‌ రేంజ్ కాకున్నా కూడా అంతర్జాతీయ స్థాయి అవార్డు అవ్వడంతో రామ్‌ చరణ్.. ఎన్టీఆర్ అభిమానులు మరోసారి హర్షం వ్యక్తం చేస్తున్నారు.

రాజమౌళి దర్శకత్వంలో తెరకెక్కిన ఆర్ ఆర్‌ ఆర్‌ సినిమా కు కీరవాణి సంగీతాన్ని అందించాడు. రామ్‌ చరణ్‌ అల్లూరి పాత్రలో నటించగా ఎన్టీఆర్ కొమురం భీమ్‌ పాత్రలో నటించాడు. ఈ సినిమా లో ఆలియా భట్ హీరోయిన్ గా నటించగా అజయ్‌ దేవగన్ కీలక పాత్రలో కనిపించాడు. సినిమా ఓటీటీ ద్వారా అంతర్జాతీయ స్థాయి ప్రేక్షకులను అలరించింది. కనుక అక్కడ పలు అవార్డులు దక్కుతున్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.