సూపర్ హిట్ డబ్బింగ్ మూవీ షూటింగ్ షురూ

విజయ్ ఆంటోనీ హీరోగా తమిళంలో రూపొందిన పిచైక్కారన్ ను తెలుగు లో డబ్బింగ్ చేసి విడుదల చేసిన సమయంలో కొందరు ఇది ఎవరు చూస్తారని అనుకున్నారట. కాని తమిళంలో కంటే ఎక్కువగా తెలుగులో సక్సెస్ అయ్యింది. తెలుగు లో బిచ్చగాడు అనే టైటిల్ తో డబ్బింగ్ అయ్యింది. తెలుగు లో అప్పటి నుండి ఇప్పటి వరకు విజయ్ ఆంటోనీని గుర్తిస్తున్నారు అంటే ఖచ్చితంగా పిచైక్కారన్ వల్లే అంటూ ఇండస్ట్రీ వర్గాల వారు అంటున్నారు. బిచ్చగాడు తర్వాత విజయ్ ఆంటోనీ నటించిన పలు సినిమాలు తెలుగు లో డబ్ అయ్యాయి. కాని ఇప్పటికి కూడా ఆయన్ను బిచ్చగాడు హీరోగానే తెలుగు ప్రేక్షకులు గుర్తిస్తున్నారు.

బిచ్చగాడు సినిమాకు విజయ్ ఆంటోనీ సీక్వెల్ ను ప్రకటించిన విషయం తెల్సిందే. పిచైక్కారన్ 2 షూటింగ్ కరోనా వల్ల ఆలస్యం అవుతూ వచ్చింది. ఎట్టకేలకు నేటి నుండి చెన్నైలో షూటింగ్ మొదలు అయినట్లుగా విజయ్ ఆంటోనీ ప్రకటించాడు. ఈ సినిమాకు స్వయంగా తానే దర్శకత్వం వహిస్తున్నట్లుగా ఇప్పటికే ప్రకటించిన విజయ్‌ ఆంటోనీ ఇంకా ఈ సినిమా కోసం ఆయన చాలా డిపార్ట్‌మెంట్స్ ను మెయింటెన్ చేయబోతున్నాడు.

పిచైక్కారన్ 2 కోసం విజయ్ ఆంటోనీ దర్శకత్వం వహించడంతో పాటు సంగీతాన్ని అందిస్తున్నాడు.. ఎడిటింగ్‌ చేయబోతున్నాడు. ముఖ్యంగా ఈ సినిమా ను ఆయనే తన భార్య పేరు మీద నిర్మిస్తున్నాడు. మొత్తానికి బిచ్చగాడు సినిమా ను వన్ మ్యాన్ షో అన్నట్లుగా చేయబోతున్నాడు. తెలుగులో కూడా ఈ సినిమాను భారీ ఎత్తున విడుదల చేసేందుకు గాను ప్లాన్ చేస్తున్నట్లుగా ఆయన పేర్కొన్నాడు. నేటి నుండి మొదలు అయిన చెన్నై షెడ్యూల్‌ ను రెండు లేదా మూడు వారాలు నిర్వహిస్తారని తెలుస్తోంది. ఈ సినిమా లోని కొన్ని కీలక సన్నివేశాల కోసం హైదరాబాద్‌ కూడా రాబోతున్నట్లుగా విజయ్ ఆంటోనీ గతంలో చెప్పకొచ్చాడు. షూటింగ్‌ ను స్పీడ్ గా ముగించి వచ్చే ఏడాదిలో సినిమాను విడుదల చేసేలా ప్లాన్ చేస్తారట.