వీడియో : వినరో భాగ్యము విష్ణుకథ నుండి సూపర్‌ మెలోడీ వాసవ సుహాస 

యంగ్‌ హీరో కిరణ్ అబ్బవరం హీరోగా కాశ్మీరా హీరోయిన్‌ గా అల్లు అరవింద్ సమర్పణలో బన్నీ వాసు నిర్మించిన వినరో భాగ్యము విష్ణు కథ సినిమా నుండి వాసవ సుహాస పాట విడుదల కాబోతుంది. డిసెంబర్‌ 24వ తారీకున ఈ పాటను విడుదల చేయబోతున్నట్లుగా చిత్ర యూనిట్‌ సభ్యులు అధికారికంగా ప్రకటించారు.

వాసవ సుహాస పాటకు సంబంధించిన ప్రోమోను విడుదల చేయడం జరిగింది. ఒక పండుగ నేపథ్యంలో.. స్వామివారి ఊరేగింపులో భాగంగా ఈ పాట వస్తుందని ప్రోమో చూస్తూ ఉంటే అర్థం అవుతోంది.

చాలా కలర్ ఫుల్‌ గా ప్రతి ఒక్కరిని ఆకట్టుకునే విధంగా ఈ పాట ప్రోమో ఉంది. ప్రోమో సూపర్ మెలోడీ గా ఉండటంతో పూర్తి పాట కోసం వెయిట్‌ చేసేలా ఉంది.

ఈ పాటకు చైతన్య భరద్వాజ్ సంగీతం అందించగా.. కారుణ్య ఈ పాటను ఆలపించారు. కళ్యాణ్ చక్రవర్తి ఈ పాట కోసం సాహిత్యాన్ని అందించారు. సినిమా యొక్క మొత్తం థీమ్ ను ఇందులో చూపిస్తారని తెలుస్తోంది. మొత్తానికి ఈ పాట సినిమా స్థాయిని పెంచే విధంగా ఉంటుంది.

టైటిల్ కు తగ్గట్లుగా ఈ సినిమా లో ఆద్యాత్మిక విషయాలతో పాటు ఒక ఆకట్టుకునే మంచి కమర్షియల్‌ లవ్‌ స్టోరీ కూడా ఉంటుందనే ప్రచారం జరుగుతోంది. మురళి కిషోర్‌ అబ్బూరి దర్శకత్వంలో రూపొందిన ఈ సినిమా ను బన్నీ వాసు నిర్మించడంతో పాటు అల్లు అరవింద్ సమర్పిస్తున్న కారణంగా అంచనాలు భారీగా పెరిగాయి.

పాట విడుదల తర్వాత సినిమా పై అంచనాలు మరింతగా పెరగడం ఖాయం. ఈ సినిమా 2023 ఫిబ్రవరి 17న విడుదల కానుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.