అమెరికాలో పొరుగింటివారికి త‌లైవా షాక్!

త‌మిళ సూప‌ర్ స్టార్ ర‌జ‌నీకాంత్ కు ప్ర‌పంచ‌వ్యాప్తంగా అభిమానులున్న సంగ‌తి తెలిసిందే. త‌మిళ‌నాడులో త‌లైవాను డెమీగాడ్ గా కొలుస్తారు. క‌ర్ణాట‌క‌లో `కాలా`కు ఏకంగా గుడి క‌ట్టి పూజిస్తున్నారు. ఆన్ ది స్క్రీన్ త‌లైవా ఎంత స్టైలిష్ , సింపుల్ గా ఉంటారో ఆఫ్ ది స్క్రీన్ కూడా అంతే సాదాసీదాగా ఉంటారు. త‌న అభిమానుల‌తో త‌లైవా చాలా హుందాగా...ఏమాత్రం గ‌ర్వం లేకుండా ఉంటారని మ‌రోసారి ప్రూవ్ అయింది. తాజాగా, అమెరికా ప‌ర్య‌ట‌న‌లో ఉన్న ర‌జ‌నీకాంత్....త‌న పొరుగింటిలో ఉన్న అభిమానుల‌కు షాక్ ఇచ్చారు. అనూహ్యంగా పిలిచిన వెంట‌నే వారి ఇంట్లోకి వెళ్లిన ర‌జ‌నీ...వారికి స‌డెన్ స‌ర్ ప్రైజ్ ఇచ్చారు. త‌మ ఇంటికి ర‌జనీ వ‌చ్చిన వీడియోను వారు సోష‌ల్ మీడియాలో పోస్ట్ చేయ‌డంతో అది వైరల్ అయింది.

కాలా షూటింగ్ అనంత‌రం త‌లైవా అమెరికాలో విశ్రాంతి తీసుకుంటోన్న సంగ‌తి తెలిసిందే. హెల్త్ చెక‌ప్ కోసం అమెరికా వెళ్లిన ర‌జ‌నీకాంత్ త‌న పొరుగింట్లో ఉన్న భార‌తీయ కుటుంబాన్ని స‌ర్ ప్రైజ్ చేశారు. త‌న ఇంటికి వెళ్తున్న ర‌జ‌నీని పొరుగింటిలోని ఓ వ్య‌క్తి ఆహ్వానించారు. దీంతో, వెంట‌నే త‌లైవా ఓ సామాన్యుడిలా మారు మాట్లాడ‌కుండా వారి ఇంట్లోకి వెళ్ళారు. త‌మ అభిమాన హీరో...అనుకోని అతిథిగా ఇంటికి రావ‌డంలో వారంతా ఆనందంతో ఉబ్బి త‌బ్బిబ్బ‌య్యారు. ముఖ్యంగా త‌లైవాకు వీరాభిమానులైన ఆ ఇంట్లోని పిల్ల‌లు....ర‌జ‌నీని చూసి షాక్ అయ్యారు. త‌లైవాతో క‌లిసి ఉత్సాహంగా సెల్ఫీలు దిగారు. ఓ మోస్త‌రు సెల‌బ్రిటీలే...బీభ‌త్స‌మైన బిల్డ‌ప్ లు ఇస్తోన్న ఈ రోజుల్లో...ప్ర‌పంచ వ్యాప్తంగా పాపులారిటీ ఉన్న ర‌జనీ...ఓ సామాన్యుడిలా ప్ర‌వ‌ర్తించిన తీరు నిజంగా అభినంద‌నీయం. ప్ర‌స్తుతం త‌లైవా స‌ర్ ప్రైజ్ విజిట్ వీడియో సోష‌ల్ మీడియాలో వైర‌ల్ అయింది.