పిక్ టాక్ : సిస్టర్స్‌ తో సూపర్‌ స్టార్‌ వైఫ్‌ ఫన్‌ టైమ్‌

సూపర్‌ స్టార్‌ మహేష్‌ బాబు భార్య నమ్రత శిరోద్కర్‌ సోషల్‌ మీడియాలో చాలా యాక్టివ్‌ గా ఉంటారు. ఆమె హీరోయిన్‌ గా బాలీవుడ్‌ లో ఎన్నో సినిమాల్లో నటించారు. తెలుగు లో కూడా హీరోయిన్ గా నటించిన విషయం తెల్సిందే. హీరోయిన్ గా మంచి సక్సెస్ లు దక్కుతున్న సమయంలో మహేష్‌ బాబుతో ఈమె ప్రేమ వివాహం జరిగింది. ప్రేమ పెళ్లి తర్వాత నమ్రత శిరోద్కర్ తన కెరీర్‌ ను త్యాగం చేసింది.

మహేష్‌ బాబు సినిమాలకు సంబంధించిన విషయాలు మరియు ఆయన డేట్లు ఇతర విషయాలను జాగ్రత్తగా చూసుకుంటు ఆయన విజయంలో కీలక పాత్ర వహిస్తున్న నమ్రత ఇద్దరు పిల్లలకు తల్లి అయినా కూడా చాలా అందంగా కనిపిస్తారు. నమ్రత ఇప్పటికి కూడా హీరోయిన్ గా నటించవచ్చు అంటూ అభిమానులు కామెంట్స్ చేస్తూ ఉంటారు. ఎప్పుడు కూడా ఆమె ఫోటోల కోసం అభిమానులు ఎదురు చూస్తూనే ఉంటారు.

తాజాగా నమ్రత ఈ ఫోటోను షేర్‌ చేసింది. ఎట్టకేలకు సిస్టర్స్ తో ఫన్‌ టైమ్‌ అంటూ షేర్ చేసింది. ఇంటికి వచ్చిన సిస్టర్స్ తో లంచ్‌ చేసి అలా సరదాగా నమ్రత గడిపినట్లుగా చెప్పుకొచ్చింది. ముంబయికే పరిమితం అయ్యే నమ్రత సిస్టర్స్ చాలా కాలం తర్వాత ఇంటికి వచ్చినట్లుగా కూడా నమ్రత చెప్పుకొచ్చింది. సిస్టర్స్ అంతా ఇలా కలిసి సరదాగా గడపడం చాలా బాగుంది అంటూ కామెంట్స్ వస్తున్నాయి.

నమ్రత సోషల్ మీడియాలో చాలా యాక్టివ్‌ గా ఉంటూ ఉంటారు. మహేష్ బాబుకు చెందిన విషయాల నుండి మొదలుకుని తన పిల్లల విషయాల వరకు ఎన్నో విషయాలను షేర్‌ చేస్తూ ఉంటుంది. నమ్రత పిల్లలు పెద్ద వారు అవ్వడంతో ఇప్పుడు వ్యాపారం మరియు సినిమా నిర్మాణం పై దృష్టి పెడుతున్నారు. మహేష్ బాబు పేరు తో మొదలు పెట్టిన నిర్మాణ సంస్థలో బ్యాక్ టు బ్యాక్‌ సినిమాలకు ఆమె ప్లాన్‌ చేస్తున్నట్లుగా తెలుస్తోంది.

ఇక మహేష్‌ బాబు సినిమాల విషయానికి వస్తే ప్రస్తుతం పరశురామ్‌ దర్శకత్వంలో సర్కారు వారి పాట సినిమా షూటింగ్‌ లో పాల్గొంటున్నాడు. అతి త్వరలోనే త్రివిక్రమ్‌ దర్శకత్వంలో మహేష్‌ బాబు సినిమా పట్టాలెక్కబోతుంది.

సమ్మర్‌ లో మహేష్ బాబు నుండి సర్కారు వారి పాట రావడం.. ఆ వెంటనే త్రివిక్రమ్‌ మూవీ పట్టాలెక్కడం జరుగుతుంది. త్రివిక్రమ్‌ మూవీ తర్వాత రాజమౌళి దర్శకత్వంలో సినిమా ను మహేష్‌ చేయాల్సి ఉంది.