అమీ హాలీవుడ్ అదృష్టం దక్కేనా?

ఇండియాలో పరభాషా నటులు వస్తుండడం సాధారణంగా చూస్తూ ఉంటాం. ఎక్కువగా హీరోయిన్స్ వారికి సంబంధం లేని భాషల్లో సినిమాలను చేసి అదృష్టాన్ని పరీక్షించుకుంటారు. కానీ పరదేశపు హీరోయిన్స్ ఎక్కువగా కనిపించరు. ఎప్పుడో ఒకసారి అక్కడక్కడా దర్శనమిస్తూ ఉంటారు. ఆ తరహాలో తమిళ్ లో దర్శనం ఇచ్చింది లివర్ పూల్ భామ అమీ జాక్సన్.

తమిళ్ లోనే కాకుండా తెలుగు - హిందీ మరియు కన్నడ భాషల్లోనూ నటించింది. అయితే అమ్మడు ఇక్కడ బాగానే రానిస్తోంది. కానీ తన సొంత బాషకు చెందిన సినిమా ఇండస్ట్రీ లో మాత్రం అంతగా రానించడం లేదు. అందుకే బ్రిటీష్ సినిమాను వదిలేసి ఇప్పుడు అమెరికన్ హాలీవుడ్ ఇండస్ర్టీపై అమ్మడు ఫోకస్ పెడుతోంది. కాకపోతే చిన్న చిన్న అవకాశాలే వస్తున్నాయి. అయితే రీసెంట్ గా ఓ ప్రముఖ టివి షోలో ప్రసారం అయ్యే టెలివిజన్ సిరీస్ లో ఛాన్స్ దక్కించుకుంది. సూపర్ గర్ల్ అనే ఆ టెలివిజన్ సిరీస్ లో అమీ శక్తులు కలిగిన ఒక సూపర్ గర్ల్ గా కనిపించబోతోంది.

ఇప్పటికే ఆ టెలివిజన్ సిరీస్ పై హాలీవుడ్ లో భారీ అంచనాలు ఉన్నాయి. రీసెంట్ గా అమీ జాక్సన్ ఆ సిరీస్ కి సంబందించిన ఎపిసోడ్స్ షూటింగ్స్ ని కూడా పూర్తి చేసిందట. ఇక టెలికాస్ట్ అవ్వడమే తరువాయి. ఇప్పటివరకు ఎన్నో సినిమాల్లో నటించినా హాలీవుడ్ లో అవకాశాలు రాని అమీ జాక్సన్ కు దిని ద్వారానైనా ఛాన్సులు దక్కుతాయో లేదో చూడాలి. ఇక అమ్మడు ఇప్పటికే రజినీ కాంత్ 2.0 సినిమా షూటింగ్ ను పూర్తి చేసింది. ఆ సినిమా జనవరిలో రిలీజ్ కానుంది.