పిక్‌ టాక్ : లండన్ వీధుల్లో సూపర్‌ స్టార్‌ ఫ్యామిలీ సూపర్ ఫన్‌

సూపర్ స్టార్‌ మహేష్‌ బాబు ఇటీవల విదేశాలకు ఒంటరిగా వెళ్లిన విషయం తెల్సిందే. ఆయన కొన్ని రోజుల తర్వాత కుటుంబ సభ్యులు కూడా ఆయనతో చేరి పోయారు. గత వారం రోజులుగా లండన్‌ లో సూపర్ స్టార్‌ మహేష్ బాబు ఫ్యామిలీ హాలీడేస్ ను ఎంజాయ్ చేస్తోంది.

తల్లి మరణంతో బాధలో ఉన్న మహేష్ బాబు మూడ్ కాస్త మారడం కోసం.. రిలాక్స్ అవ్వడం కోసం విదేశాలకు వెళ్లాడు అనే ప్రచారం జరుగుతోంది. లండన్‌ లో కుటుంబ సభ్యులతో సూపర్ ఫన్‌ టైమ్‌ ను గడుపుతున్న మహేష్‌ బాబు ఏ క్షణంలో అయినా హైదరాబాద్‌ లో ల్యాండ్‌ అయ్యే అవకాశం ఉందని సినీ వర్గాల్లో చర్చ జరుగుతోంది.

తాజాగా లండన్‌ వీధుల్లో నమ్రత తీసుకున్న ఈ ఫోటోలో ఫ్యామిలీ మొత్తం ఎంత చిల్‌ మూడ్‌ లో ఉందో అర్థం అవుతుంది.

మహేష్‌ బాబు ఫ్యామిలీతో పాటు మరో కపుల్‌ ను కూడా ఈ ఫోటోలో చూడవచ్చు. వారిని జనాలు పెద్దగా పట్టించుకోకుండా పూర్తిగా సూపర్ స్టార్ ఫ్యామిలీ మెంబర్స్ అయిన నలుగురిపైనే దృష్టి పెట్టి చూస్తున్నారు.

మహేష్‌ బాబు లుక్‌ గురించి కొందరు మాట్లాడుకుంటూ ఉంటే మరి కొందరు సీతూ పాప యొక్క చిరు నవ్వు గురించి మాట్లాడుకుంటూ ఉన్నారు. ఇక కొందరు గౌతమ్‌ ఎప్పటిలాగే క్యూట్‌ గా కనిపిస్తున్నాడని.. హీరో ఎప్పుడు అవుతాడో అంటూ ఎదురు చూస్తున్నాం అంటున్నారు. ఇక నమ్రత ఎప్పటిలాగే చాలా స్టైలిష్ గా కనిపిస్తున్నారు.

లండన్ నుండి తిరిగి వచ్చిన వెంటనే మహేష్ బాబు తన తాజా చిత్రం ఎస్‌ఎస్‌ఎంబి28 షూటింగ్‌ లో పాల్గొనబోతున్నట్లుగా సమాచారం అందుతోంది. నవంబర్ మొదటి వారం నుండి రెండవ షెడ్యూల్‌ కోసం త్రివిక్రమ్‌ ఏర్పాట్లు చేస్తున్నట్లుగా వార్తలు వస్తున్నాయి. వచ్చే ఏడాది ఏప్రిల్‌ 28న ఈ సినిమా ను విడుదల చేసే విధంగా త్రివిక్రమ్‌ ప్లాన్ చేస్తున్నాడట.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.