నేను డైరెక్ట‌ర్ అయితే ఆ మూవీని రీక్రియేట్‌ చేస్తా : మ‌హేష్

రెండేళ్ల విరామం తరువాత సూప‌ర్ స్టార్ మ‌హేష్ బాబు న‌టించిన చిత్రం `స‌ర్కారు వారి పాట‌`. యంగ్ డైరెక్ట‌ర్ ప‌ర‌శురామ్ డైరెక్ట్ చేసిన ఈ మూవీని మైత్రీ మూవీ మేక‌ర్స్‌, 14 ప్ల‌స్ రీల్స్‌, జీఎంబీ ఎంట‌ర్ టైన్ మెంట్స్ సంయుక్తంగా నిర్మించాయి. భార‌తీయ బ్యాంకింగ్ వ్య‌వ‌స్థ‌పై సంథించిన వ్యంగ్యాస్త్రంగా ఈ మూవీని రూపొందించారు. భారీ అంచ‌నాల మ‌ధ్య విడుద‌లైన ఈ చిత్రం ఇటీవ‌లే ప్రేక్ష‌కుల ముందుకొచ్చింది. తొలి రోజే మిశ్ర‌మ స్పంద‌న‌ని సొంతం చేసుకుంది. అయితే వ‌సూళ్ల ప‌రంగా మంచి ఫిగ‌ర్ల‌ని రాబ‌డుతోంది. ఏది ఎలా వున్నా ఈ మూవీ ఫ‌లితంతో మ‌హేష్ చాలా ఖుషీగా వున్నారు. ప్రేక్ష‌కులు, అభిమానులు కోరుకున్న హిట్ ని అందించాన‌ని ఫుల్ జోష్ తో సెల‌బ్రేట్ చేసుకుంటున్నారు.

ఈ నేప‌థ్యంలో ప్ర‌ముఖ పికాక్ మ్యాగ‌జైన్ కోసం ప్ర‌త్యేకంగా మ‌హేష్ రాపిడ్ ఫైర్ ఇంట‌ర్వ్యూ ఇచ్చారు. దీనికి సంబంధించిన వీడియో ప్ర‌స్తుతం నెట్టింట వైర‌ల్ గా మారింది. షార్ట్ అండ్ స్వీర్ ఆన్స‌ర్ల‌తో అద‌ర‌గొట్టిన మ‌హేష్ ప‌లు ఆస‌క్తిక‌ర విష‌యాల్ని వెల్ల‌డించి స‌ర్ ప్రైజ్ చేశారు. ఆ విశేషాలు మీ కోసం.

మీరు నిజంగా ఇష్ట‌ప‌డే నిక్ నేమ్‌?

- నాని

మీ అతి పెద్ద భ‌యం?

- నా ద‌ర్శ‌కుడి అంచ‌నాల‌ను ఎక్క‌డ అందుకోలేక‌పోతానా అని భ‌య‌ప‌డుతుంటాను.

మీలో దాగివున్న హిడెన్ టాలెంట్ ని ఇంట్లో వాళ్ల ముందు ప్ర‌ద‌ర్శించే ప్ర‌మాదం వుందా?

- నేను ఇంట్లో చాలా ఫ‌న్నీ ప‌ర్స‌న్ ని. అదే నాలో వున్న హిడెన్ టాలెంట్‌. ఆ విష‌యాన్ని నా వైఫ్‌, నా పిల్ల‌లు మాత్ర‌మే చూస్తారు.

మీరు చేసిన అత్యంత సాహ‌సోపేత‌మైన ప‌ని?

- న్యూజీలాండ్ లో బంగీ జంపింగ్ చేశాను.

మీరు ఎక్కువ‌గా ఉప‌యోగించే ప‌దం?

- బ్యూటిఫుల్ అనే ప‌దాన్ని ఎక్కువ‌గా వాడుతుంటాను.

మిమ్మ‌ల్ని ఏడిపించిన చివ‌రి సినిమా?

ల‌య‌న్ కింగ్.

మీరే ద‌ర్శ‌కుడైతే మీ సినిమాల్లో ఏ మూవీని మ‌ళ్లీ రీ క్రియేట్ చేయాల‌నుకుంటున్నారు?

`ఒక్క‌డు`.

మీ ఆల్ టైమ్ ఫేవ‌రేట్ ఫిల్మ్ ?

మా నాన్న న‌టించిన `అల్లూరి సీతారామ‌రాజు` సినిమా నా ఆల్ టైమ్ ఫేవ‌రేట్ ఫిల్మ్‌.

మీరు తిన్న వింతైన విష‌యం ?.

- సీఫుడ్ అనుకుంటా స‌రిగ్గా గుర్తు లేదు. అలాంటివి తిన‌డం నాకు అస్స‌లు ఇష్టం వుండ‌దు.

ఫ్యామిలీతో క‌లిసి వెళ్లి డిన్న‌ర్ చేయాల‌నుకునే ఫేవ‌రేట్ రెస్టారెంట్?

- హైద‌రాబాద్ లో అయితే ఐటీసీలో వున్న ద‌క్షిణ్ రెస్టారెంట్ అంటే ఎక్కువ‌గా ఇష్ట‌ప‌డ‌తాను. అక్క‌డ దొరికే సౌత్ ఇండియ‌న్ ఫుడ్ అంటే చాలా ఇష్టం. అబ్రాడ్ లో అయితే `నోబూత్‌` నా ఫేవ‌రేట్ ప్లేస్‌.

మీరు ఒక ప‌డ‌వ‌ని తీసుకువ‌స్తే దాన్ని ఏమ‌ని పిలుస్తారు?

- ముందు వీటిని అస‌లే ఇష్ట‌ప‌డ‌ను. సిక్ అయిపోతాను. అస‌లు హ్యాండిల్ చేయ‌లేను.

మీరు విశ్రాంతి ఎలా తీసుకుంటారు?

- ఫ్యామిలీతో క‌లిసి హాలీడేస్ కి వెళ్లిపోతాను. అలా నేను విశ్రాంతి తీసుకుంటాను. దాని వ‌ల్లే నా స్ట్రెస్ ని పోగొట్టుకుంటాను.

మీరు కోరుకున్నది, అది నిజమైతే పశ్చాత్తాపపడినది ఏమిటి?

- ఇప్పటివరకు ప్రతిదీ అందంగా ఉంది. రిగ్రేట్స్ అంటూ ఏమీ లేవు.

విహారయాత్రలో చేయడానికి ఇష్టప‌డే పని?

- న‌చ్చిన ఫుడ్ తిన‌డ‌మే.

మీరు ఎవరితోనైనా జీవితాలను వ్యాపారం చేయాలనుకుంటే, అది ఎవరు మరియు ఎందుకు?

నా కూతురు.

అంటూ రాపిడ్ ఫైర్ ఇంట‌ర్య్వూని ముగించారు సూప‌ర్ స్టార్ మ‌హేష్ బాబు.