సూప‌ర్ స్టార్ ఒంట‌రిగా వెళుతోంది అందుకేనా?

సూప‌ర్ స్టార్ మ‌హేష్ బాబు ఖాలీ స‌మ‌యం చిక్కిన ప్ర‌తీ సారి ప్ర‌త్యేక వెకేష‌న్స్ కోసం న‌చ్చిన దేశానికి, న‌చ్చిన చోటికి ఫ్యామిలీతో క‌లిసి వెళుతుంటార‌న్న‌ది అందిరికి తెలిసిందే. టాలీవుడ్ లో ఏ స్టార్ హీరో కూడా ఈ స్థాయిలో మ‌హేష్ లా ఫ్యామిలీతో క‌లిసి వెకేష‌న్స్ కి వెళ్లిన దాఖ‌లాలు లేవంటే మ‌హేష్ ఫ్యామిలీకి, ఫ్యామిలీతో క‌లిసి విదేశాల్లో విహ‌రించ‌డానికి ఎంత ప్రాధాన్య‌త నిస్తాడో ప్ర‌త్యేకంగా చెప్పాల్సిన ప‌ని లేదు. గ‌త కొన్నేళ్లుగా మిగ‌తా స్టార్ హీరోల‌కు పూర్తి భిన్నంగా వ్య‌వ‌హ‌రిస్తూ ఫ్యామిలీకి ప్ర‌త్యేక ప్రాధాన్య‌త నిస్తున్నారు.

అయితే ఈ సారి మాత్రం ఫ్యామిలీ లేకుండానే సూప‌ర్ స్టార్ మ‌హేష్ విదేశాల‌కు వెళుతున్న‌ట్టుగా వార్తులు వినిపిస్తున్నాయి. వివ‌రాల్లోకి వెళితే.. త్రివిక్ర‌మ్ తో త‌న 28వ ప్రాజెక్ట్ నిర్మాణాన్ని ప్రారంభించిన‌ మ‌హేష్ బాబు మెరుపు వేగంతో ఫ‌స్ట్ షెడ్యూల్ ని పూర్తి చేసి త‌దుప‌రి షెడ్యూల్ కోసం రెడీ అయ్యాడు. అదే స‌మ‌యంలో మ‌హేష్ మాతృమూర్తి ఇందిరాదేవి ఇటీవ‌ల అనారోగ్య కార‌ణాల‌తో మృతి చెందిన విష‌యం తెలిసిందే.

దీంతో త్రివిక్ర‌మ్ తో చేస్తున్న మూవీ త‌దుప‌రి షెడ్యూల్ కి బ్రేక్ ప‌డింది. త‌ల్లి మ‌ర‌ణంతో మ‌హేష్ షూటింగ్ కు దాదాపు 12 రోజులు దూర‌మ‌య్యాడు. ఈ స‌మ‌యంలో త‌ల్లి అస్తిక‌ల్ని కాశీలో క‌ల‌ప‌డంతో పాటు కాశీ వెళ్లి తీర్థ‌యాత్ర‌లు తిరిగి వ‌చ్చారు. 11వ రోజు కార్య‌క్ర‌మం ఇటీవ‌లే పూర్త‌యింది.

ఈ నేప‌థ్యంలో మహేష్ త‌దుపరి షెడ్యూల్ కోసం రెడీ అవుతున్నాడ‌ని, త్వ‌ర‌లో త్రివిక్ర‌మ్ మూవీ త‌దుప‌రి షెడ్యూల్ ని ప్రారంభించ‌బోతున్నాడంటూ వార్త‌లు మొద‌ల‌య్యాయి.

అయితే మ‌హేష్ మాత్రం .. సెట్ లోకి వెళ్ల‌డం లేద‌ని, హెల్త్ చెక‌ప్ కోసం ఒంట‌రిగా విదేశాల‌కు వెళుతున్నాడ‌ని వార్త‌లు వినిపిస్తున్నాయి. విదేశాల నుంచి తిరిగి వ‌చ్చాకే మ‌హేష్ త్రివిక్ర‌మ్ సినిమా త‌దుప‌రి షెడ్యూల్ కోసం డేట్స్ కేటాయించ‌బోతున్నాడ‌ని ఇన్ సైడ్ టాక్‌. ఇదిలా వుంటే మ‌హేష్ స్టైలిస్ట్ ఆలిమ్ హ‌కీమ్‌ సోష‌ల్ మీడియా వేదిక‌గా పంచుకున్న సూప‌ర్ స్టార్ మ‌హేష్ బాబు తాజా లుక్ టెర్రిఫిక్ గా వుండి ఇంట‌ర్నెట్ ని షేక్ చేస్తోంది.

'నిశ్శ‌బ్దంగా వుండండి.. మ‌న స్మోకింగ్ హాట్ సూప‌ర్ స్టార్ మ‌హేష్ బాబు వ‌చ్చేశారు' అని స‌ద‌రు ఫొటోకు క్యాప్ష‌న్ ఇవ్వ‌బంతో ప్ర‌స్తుతం ఈ ఫొటో నెట్టింట వైర‌ల్ గా మారి నెట్టింట ట్రెండ‌వుతోంది. మ‌హేష్ లుక్ ని చూసిన వారంతా వ‌య‌సు పెరుగుతున్నా రోజు రోజుకీ మ‌రింత యంగ్ అవుతున్నారంటూ కామెంట్ లు చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.