సూపర్ స్టార్ మహేష్ క్రిష్ణుడిగా కురుక్షేత్రం... ?

కురుక్షేత్రం  సినిమా టాలీవుడ్ లో అద్భుతమైన హంగులతో రూపొందించిన పౌరాణిక చిత్రం. ఈ సినిమా తీస్తున్నపుడు తెలుగులో అతి పెద్ద సినీ యుద్ధమే సాగింది. ఒక వైపు ఎన్టీయార్ దాన వీర శూర కర్ణ మూవీ అదే సమయంలో తీస్తున్నారు. దాంతో క్రిష్ణ ఎన్టీయార్ ల మధ్య కురుక్షేత్ర సంగ్రామం అన్నట్లుగా సీన్ క్రియేట్ అయింది.

మొత్తానికి ఈ రెండు సినిమాలూ 1977లో జనవరిలో సంక్రాంతి పండుగకు ఒకేమారు రిలీజ్ అయ్యాయి. క్రిష్ణ కురుక్షేత్రం అయితే టెక్నికల్ గా బాగుంది అన్న టాక్ వచ్చింది. ఎన్టీయార్ దానవీర శూర కర్ణ బ్లాక్ బస్టర్ గా నిలిచింది. ఇపుడు ఈ ప్రస్థావన ఎందుకు అంటే క్రిష్ణ వారసుడు, సూపర్ స్టార్ మహేష్ బాబు గురించే.

ఆయనకు తన తండ్రి క్రిష్ణ చిత్రాలల్లో నచ్చిన చిత్రం కురుక్షేత్రమట. ఎన్టీయార్ తో ఎవరు మీలో కోటీశ్వరులు అన్న షోలో ఈ విషయాన్ని స్వయంగా మహేష్ బాబే చెప్పారు.  ఇంతవరకూ ఏ వేదిక మీద మహేష్ ఈ సంగతి చెప్పకపోవడంతో ఆయన ఫ్యాన్స్ తో పాటు ఆడియన్స్ కూడా దీన్ని బాగా ఎంజాయ్ చేశారు.

మరి ఇంతలా నచ్చిన కురుక్షేత్రాన్ని మళ్లీ తీస్తే మంచిదే కదా. ఇదే విషయాన్ని జూనియర్ ఎన్టీయార్ అడిగారు. మీరు కురుక్షేత్రంలో ఏ పాత్ర చేస్తారు అని అంటూనే క్రిష్ణుడిగా వేయండి అంటూ జూనియర్ ఆయనకు సూచించారు. అదే సమయంలో మల్టీస్టారర్ మూవీస్ మీద కూడా మహేష్ బాబు తన మక్కువ కనబరచారు. దాంతో ఏ విధంగా చూసుకున్నా కురుక్షేత్రం వంటి భారీ పౌరాణికాలకు మళ్లీ కాలం వచ్చినట్లే ఉంది.

పాన్ ఇండియా లెవెల్ లో ఈ మహా భారత కధ కనుక ఏ డైరెక్టర్ అయినా చెప్పగలితే మాత్రం అందులో చేసేందుకు మహేష్ బాబు రెడీగా ఉంటారు. ఆయన క్రిష్ణుడిగా కూడా కనిపిస్తారేమో చూడాలి. మరో వైపు ఎటూ జూనియర్ కి పౌరాణికాలు ఇష్టమే. దాంతో కొన్నాళ్ళకైనా టాలీవుడ్ లో ఈ కాంబోలో కురుక్షేత్రం పేరిట పాన్ ఇండియా మూవీ రావాలని ఈ ఇద్దరి ఫ్యాన్స్ గాఢంగా కోరుకుంటున్నారు.