స్టార్ స్టార్ సూప‌ర్‌స్టార్‌!!

ఐదు ద‌శాబ్ధాలుగా సౌత్ సినిమాని ఏల్తున్న ఏకైక సూప‌ర్‌స్టార్ ర‌జ‌నీకాంత్‌. త‌మిళుడే అయినా తెలుగు - మ‌ల‌యాళం - క‌న్న‌డం - హిందీ ఇన్ని భాష‌ల్లో పాపుల‌ర్ ఫేస్ అత‌డు. దేశంలోనే అత్య‌ధిక పారితోషికం అందుకునే సూప‌ర్‌స్టార్‌గా అత‌డికి గుర్తింపు ఉంది. ఓ ర‌కంగా అమితాబ్ బ‌చ్చ‌న్ త‌ర్వాత అమితాబ్ బ‌చ్చ‌న్ అంత‌టివాడు. సౌత్‌లో అత‌డి స్థానం తిరుగులేనిది.

రజనీ న‌ట‌న‌ - న‌డ‌క‌ - ఆహార్యం ప్ర‌తిదీ ఓ వింత‌. బ‌స్ కండ‌క్ట‌ర్ నుంచి బాద్‌షా వ‌ర‌కూ అత‌డి ప‌య‌నంలో ఎన్నో ఇంట్రెస్టింగ్ ఫ్యాక్ట్స్ ఉన్నాయి. ఎదిగినా ఒదిగి ఉండే సూప‌ర్‌స్టార్‌గా ర‌జ‌నీ గురించి చెబుతారు. కె.బాల‌చంద‌ర్‌ - భార‌తీరాజా - మ‌హేంద్ర‌న్ వంటి గొప్ప ద‌ర్శ‌కుల అండ‌దండ‌ల‌తో అత‌డు హీరోగా ఎదిగారు. 1980లో రజని కెరీర్ లో జానీ ఫస్ట్ హిట్ సినిమా . ఆ చిత్రానికి మ‌హేంద‌ర్ ద‌ర్శ‌క‌త్వం వ‌హించారు. ద‌ళ‌ప‌తి - ముత్తు - బాషా - న‌ర‌సింహా - చంద్ర‌ముఖి - రోబో ఇలా ఎన్నో సంచ‌ల‌న విజ‌యాలు సాధించిన చిత్రాల్లో క‌థానాయ‌కుడిగా న‌టించారు. ప్ర‌స్తుతం కొత్త కుర్రాడు రంజిత్ ద‌ర్శ‌క‌త్వంలో క‌బాలీ పాత్ర‌లో న‌టిస్తున్నాడు. ఈ సినిమాతో పాటు శంక‌ర్ ద‌ర్శ‌క‌త్వంలో రోబో-2 ఈరోజు పుట్టిన‌రోజు సంద‌ర్భంగా ప్రారంభ‌మైంది.

క‌బాలీ.. తెలుగులో మహాదేవ.. చిత్రంలో స‌రికొత్త ఆహార్యంతో, స‌రికొత్త లుక్‌తో క‌నిపించి అభిమానుల్ని అల‌రించ‌బోతున్నాడు. అలాగే రోబో త‌ర‌హాలోనే రోబో-2 లోనూ డిఫ‌రెంట్ గెట‌ప్పుల్లో అల‌రిస్తాడ‌ని చెబుతున్నారు. త‌లైవాగా త‌న హ‌వా సాగిస్తున్న శివాజీరావ్ గైక్వాడ్ నుంచి సూప‌ర్ స్టార్ ర‌జ‌నీకాంత్‌గా ఎదిగిన తీరు అంద‌రికీ ఇన్‌స్పిరేష‌న్‌. ఈరోజు బర్త్‌ డే జరుపుకుంటున్న సూపర్‌ స్టార్‌కు పుట్టినరోజు శుభాకాంక్షలు.