'సర్కారు వారి పాట' షూట్ పై క్రేజీ అప్డేట్..!

ప్రస్తుతం దేశంలో కరోనా మహమ్మారి భయంతో టాలీవుడ్ ఇండస్ట్రీలో ఎన్నో మార్పులు చోటుచేసుకున్నాయి. కరోనా సెకండ్ వేవ్ వ్యాప్తి చెందుతుండటంతో ఇండస్ట్రీలో మళ్లీ సినిమా కష్టాలు మొదలయ్యాయి. ఇప్పటికే అన్ని సినిమాలు విడుదలను వాయిదా వేసుకోగా.. మరికొన్ని సినిమాలు షూటింగ్స్ ఆపేసి ఇంట్లో కూర్చొనే పరిస్థితి నెలకొంది. ఇలాంటి సమయంలో ఏ సినిమా ఎప్పుడు రిలీజ్ అవుతుంది అనేది చెప్పడం చాలా కష్టం. అంతెందుకు అసలు షూటింగ్ చేయడమే కష్టంగా కనిపిస్తుంది. కానీ తాజా సమాచారం ప్రకారం.. దేశంలో కరోనా ప్రభావం తగ్గుముఖం పడుతుండటంతో సినిమా షూటింగ్స్ త్వరగా ప్రారంభించే దిశగా మేకర్స్ ఆలోచన చేస్తున్నారు.

అదేవిధంగా సూపర్ స్టార్ మహేష్ బాబు హీరోగా నటిస్తున్న 'సర్కారు వారి పాట' సినిమా మేకర్స్ కూడా త్వరలోనే షూటింగ్ ప్రారంభించాలని షెడ్యూల్ రెడీ చేస్తున్నారట. ఇప్పటికే సర్కారు వారి పాట మూవీ వచ్చే ఏడాది సంక్రాంతికి విడుదల అవుతుందని ఇదివరకు మేకర్స్ ప్రకటించిన సంగతి తెలిసిందే. కానీ తాజాగా ఈ సినిమా సంక్రాంతి కాకుండా ఈ ఏడాది చివరిలోనే విడుదల చేసే ప్లాన్ లో మహేష్ ఉన్నట్లు టాక్ నడుస్తుంది. ఎందుకంటే వచ్చే ఏడాది కోసం ఆల్రెడీ మహేష్ త్రివిక్రమ్ సినిమాను లైన్ లో పెట్టేసాడు. అందుకే వీలైనంత త్వరగా సర్కారు పాట ఫినిష్ చేసేయాలని భావిస్తున్నారు.

అయితే ఈ సినిమా వచ్చే నెలలో అంటే జులై నుండి షూటింగ్ ప్రారంభం చేయనున్నట్లు టాక్. ఈ సినిమాలో మహేష్ పూర్తిగా న్యూ లుక్ లో కనిపించనున్నాడు. ఇటీవలే అప్డేట్ రానుందని ఫ్యాన్స్ ఆశించారు. కానీ ఆ విషయంలో అభిమానులకి నిరాశే మిగిలింది. అయితే నెక్స్ట్ మహేష్ పుట్టినరోజున ఫస్ట్ లుక్ రిలీజ్ చేస్తారని ఎక్సపెక్ట్ చేస్తున్నారు. అయితే పరశురామ్ దర్శకత్వం వహిస్తున్న ఈ మూవీలో కీర్తిసురేష్ హీరోయిన్ గా నటిస్తోంది. ఇప్పటివరకు రెండు షెడ్యూల్స్ పూర్తి చేసుకుంది. మరి జులైలో మూడో షెడ్యూల్ స్టార్ట్ అవుతుందేమో చూడాలి. ఈ సినిమాను మైత్రి మేకర్స్ - 14రీల్స్ ఎంటర్టైన్మెంట్స్ వారితో కలిసి మహేష్ కూడా నిర్మిస్తున్నారు. ఈ సినిమాకు తమన్ సంగీతం అందిస్తున్నాడు.