సురభి సొగసులు.. చమక్ లు ఎక్కడ..

టాలీవుడ్ లో ప్రస్తుతం స్పీడ్ మీదున్న హీరోయిన్స్ లో సురభి కూడా ఉంటుంది. బీరువా చిత్రంతో టాలీవుడ్ అరంగేట్రం చేసిన ఈ భామ.. 2016లో ఇప్పటివరకూ 3 తెలుగు సినిమాలను రిలీజ్ చేసేసింది. అందులో రెండు సినిమాలు సూపర్ హిట్ అయ్యాయి కూడా. సంక్రాంతికి వచ్చిన ఎక్స్ ప్రెస్ రాజా.. రీసెంట్ గా వచ్చిన జెంటిల్మన్ చిత్రాలు విజయవంతం కాగా.. మధ్యలో మంచు మనోజ్ తో చేసిన ఎటాక్ నిరుత్సాహ పరిచింది.

ఐదు నెలల సమయంలో 3 సినిమాలు రిలీజ్ చేసి.. అందులో రెండు సూపర్ హిట్స్ సాధించిన హీరోయిన్ కెరీర్ ఏ రేంజ్ లో ఉండాలి.. నిజానికి ఫుల్ ఫామ్ లో ఉండాలి కానీ.. సురభి సిట్యుయేషన్ అంత గొప్పగా ఏం లేదు. రెండు సక్సెస్ లలోను క్రెడిట్ వేరే వాళ్లకు వెళ్లిపోయింది. ఎక్స్ ప్రెస్ రాజాకి సెంట్రాఫ్ ఎట్రాక్షన్ శర్వానంద్ అయితే.. జెంటిల్మన్ విషయంలో నాని.. నివేదా థామస్ లు క్రెడిట్ పట్టుకెళ్లిపోయారు. ముఖ్యంగా నివేదా సూపర్ ట్యాలెంట్ తో ఫుల్ డామినేషన్ చూపించడంతో.. సురభి డల్ అయిపోయిందనే టాక్ వినిపిస్తోంది.

ఇప్పటికైతే సురభికి పెద్దగా ఆఫర్స్ ఏమీ రాలేదు కానీ.. షాప్ ఓపెనింగుల లాంటి వాటికి మాత్రం సురభికి పిలుపులు బాగానే వస్తున్నాయి. రీసెంట్ గా ఓ స్పా ప్రారంభానికి సురభిని పిలవగా.. గ్లామర్ డోస్ ని ఓ లిమిట్ లో చూపిస్తూ హాజరైంది. యాక్టింగ్ తో పాటు గ్లామర్ లోనూ అభ్యంతరాలు లేని ఈ భామకు.. టాలీవుడ్ జనాలు ఆఫర్ల విషయంలో ఎలాంటి రెస్పాన్స్ ఇస్తారో!