సురభి.. రియల్‌ లైఫ్‌ రాజా..

సుర‌భి.. ప్ర‌స్తుతం ఈ పేరు అన్నిచోట్లా మార్మోగిపోతోంది. టాలీవుడ్‌ లో హాట్ టాపిక్ ఈ అమ్మ‌డు. కోలీవుడ్ నుంచి టాలీవుడ్ వ‌స్తోంది. ఇంత‌కుముందే అనువాద చిత్రాల‌తో తెలుగువారికి ప‌రిచ‌య‌మైనా... శర్వానంద్ స‌ర‌స‌న ఎక్స్‌ ప్రెస్ రాజా సినిమాలో న‌టించి అంద‌రి దృష్టిని ఆక‌ర్షించింది. ఎక్స్‌ ప్రెస్ రాజా ట్రైల‌ర్ వ‌చ్చిందో లేదో ఇక సుర‌భి మన కుర్రాళ్ల‌కు ప‌ట్టేసింది.

మునుప‌టి కంటే డిఫ‌రెంటుగా క‌నిపించింది. చిట్టి పొట్టి నిక్క‌రులో క‌నిపించి ఇంత హాట్ నెస్ ఎప్పుడొచ్చింది అనేంత డిస్క‌ష‌న్‌ కి తెర తీసింది. ఈ అమ్మ‌డు న‌టించిన క్రేజీ ప్రాజెక్టు ఈ సంక్రాంతికి రిలీజ‌వుతోంది కాబ‌ట్టి ప్ర‌మోష‌న్ ఇంట‌ర్వ్యూల‌తో హ‌డావుడి చేసేస్తోంది. ఇలాంటి ప్ర‌మోష‌న్‌లో మీకు బాగా న‌చ్చే హీరో ఎవ‌రు? ఎందుకు? అని అడిగితే ఎవ‌రి పేరు చెప్పిందో తెలుసా? శ‌ర్వానంద్ అని అనుకునేరు. అస్స‌లు కానేకాదు. ఈ అమ్మ‌డికి బాగా న‌చ్చే హీరో సందీప్ కిష‌న్‌. రియ‌ల్ లైఫ్‌ లో త‌నంటే త‌న‌కి చాలా ఇష్ట‌మ‌ని చెప్పింది.

''సందీప్ కిష‌న్ ఏ విష‌యంలో అయినా చొర‌వ‌గా దూసుకుపోతాడు. త‌ను వెరీ స్పెష‌ల్‌. అంద‌రికీ గౌర‌వం ఇస్తూ సాంప్ర‌దాయాల్ని గౌర‌విస్తూ ముందుకు వెళ్లే కుర్రాడిని ఈ రోజుల్లో వేరే ఎవ‌రినీ చూడ‌లేదు. సందీప్‌లో అలాంటి మంచి క్వాలిటీస్ ఉన్నాయి'' అటూ తెగ పొగిడేసింది. ఇదేమైనా పెళ్లి సంబంధం గురించి అడిగామా? ఏదో రియ‌ల్‌ గా న‌చ్చిన కుర్రాడెవ‌రు? అని అడిగాం అంతే. ఇంత క్లారిటీగా ఇలా చెప్పేస్తోంది ఏంటో...