నాని హీరోయిన్ భలే ఖుషీగా ఉందే

నేచురల్ స్టార్ నానికి జంటగా జెంటిల్మన్ మూవీలో నటించిన సురభి.. ఆ మూవీ సక్సెస్ ని బాగా ఎంజాయ్ చేస్తుంది. గతంలో కూడా సురభి నటించిన కొన్ని సినిమాలు సక్సెస్ సాధించాయి కానీ.. ఇంతగా క్లిక్ అయింది లేదు. రఘువరన్ బీటెక్ - ఈ ఏడాది ప్రారంభంలో ఎక్స్ ప్రెస్ రాజా తర్వాత.. మళ్లీ ఈ భామకు అందిన సక్సెస్ ఇదే. అందుకే తన సంతోషాన్ని పట్టలేకపోతున్నట్లు చెబుతోంది జెంటిల్మ్ హీరోయిన్.

'రకరకాల షేడ్స్ ప్రదర్శించాల్సి ఉండే ఛాలెంజింగ్ రోల్ ఇది. షూటింగ్ కి దర్శకుడు ఇంద్రగంటి మోహన్ కృష్ణ స్పెషల్ వర్క్ షాప్ నిర్వహించారు. అన్ని డైలాగ్స్ ఇచ్చేసి అర్ధం తెలుసుకుని యాక్ట్ చేసేందుకు ప్రయత్నించమన్నారు. అందుకే ఈ రోల్ ని అంత డెప్త్ తో చేయగలిగాను. మిగిలిన నటులతో కలిసిపోయేందుకు కూడా ఈ వర్క్ షాప్ కలిసొచ్చింది. ముఖ్యంగా మరో హీరోయిన్ నివేదా అయితే మంచి ఫ్రెండ్ అయిపోయింది' అని చెప్పింది సురభి.

రఘువరన్ బీటెక్ లో తన పెర్ఫామెన్స్ నచ్చి ఈ సినిమాలోకి తీసుకున్నట్లు దర్శకుడు చెప్పారని సురభి అంటోంది. ఇక నానికి తాను సూపర్ ఫ్యాన్ అని.. ఈ సినిమాకు తన పేరును నానినే సూచించాడని చెప్పింది. ఈమె ఢిల్లీ భామ అయినా.. తనకు భాష ఎలాంటి అడ్డంకి కాదని.. తెలుగు - తమిళ్ రెండు భాషల్లోనూ సినిమాలు చేసేస్తానని చెబుతోంది సురభి.