పాప ఫైట్ ఇర‌గ‌దీసింద‌ట‌గా..!

మీ జెండ‌ర్ అయినా చెప్పండి... మేలా? ఫిమేలా? అని శ‌ర్వానంద్ అడిగిన‌ప్పుడే అర్థమైంది... ఆ హీరోయిన్ సినిమాలో మ‌గ‌రాయుడి వేషాలేవో వేసింద‌ని. ఇప్పుడు అదే నిజ‌మైంది. శ‌ర్వానంద్ న‌టించిన `ఎక్స్‌ప్రెస్ రాజా`లో హీరోయిన్ సుర‌భి ఫైట్ చేసింద‌ట‌. ఆ ఫైట్ కూడా మామూలుగా ఉండ‌దు. హీరోలు చేసే ఫైట్ల‌కి ధీటుగా ఉంటుంద‌ట‌. అదే సినిమాకి ప్ర‌ధాన ఆక‌ర్ష‌ణ‌గా నిలుస్తుంద‌ని చిత్ర‌బృందం ప్ర‌చారం చేస్తోంది. మామూలుగా అయితే సినిమాలో మా హీరో చేసిన ఫైట్లు - డ్యాన్సులు అదిరిపోయాయ‌ని చెప్పుకొంటుంటారు. కానీ ఎక్స్‌ప్రెస్ రాజా విష‌యంలో మాత్రం ఆ సీన్ రివ‌ర్స‌య్యింది.

చూడ్డానికి సుకుమారంగానే క‌నిపిస్తుంటుంది సుర‌భి. మ‌రి ఆ సుకుమార‌మైన అమ్మాయితో ఫైట్లు ఎలా చేయించార‌న్న‌దే ఇప్పుడు ఆస‌క్తిక‌రంగా మారింది. అన్న‌ట్టు ఆమె సినిమాలో ఫైట్లే కాదండోయ్‌... అందాలు కూడా బాగానే ఆర‌బోసిన‌ట్టుంది. పోస్ట‌ర్ల‌లో చిట్టిపొట్టి డ్రెస్సులేసుకొని ద‌ర్శ‌న‌మిస్తోంది. మ‌రి ఆమె యాక్ష‌న్‌ - గ్లామ‌ర్ ఏ స్థాయిలో వ‌ర్క‌వుటవుతాయో చూడాలి. అన్న‌ట్టు సుర‌భి `బీరువా`లాంటి ఒక సాదాసీదా సినిమాతోనే తెలుగులో ఎంట్రీ ఇచ్చినా అవ‌కాశాల విష‌యంలో మాత్ర దుమ్ము దులిపేస్తోంది. ఎక్స్‌ప్రెస్ రాజాతో పాటు, నాని కొత్త సినిమాలోనూ ఆమె న‌టిస్తోంది. రామ్‌ గోపాల్ వ‌ర్మ తీసిన ఎటాక్‌ తోనూ ఆమె త్వ‌ర‌లో సంద‌డి చేయ‌బోతోంది. సంక్రాంతికి రానున్న ఎక్స్‌ ప్రెస్ రాజా హిట్టయ్యిందంటే మాత్రం నిజంగానే ఆమె కెరీర్ ఎక్స్‌ ప్రెస్ వేగాన్ని అందుకోవ‌డం ఖాయం.