హిట్ కొట్టినా హీరోల పిలుపు రాలే!!

ఢిల్లీ నుంచి వచ్చి సౌతిండియాలో తిష్ట వేసిన భామల లిస్ట్ బాగానే ఉంటుంది. కొందరు బాగానే వెలిగిపోతారు. మరికొందరు ఇలా వచ్చి అలా వెళుతూ ఉంటారు. కానీ సురభి మాత్రం.. కోలీవుడ్ తో మొదలుపెట్టి టాలీవుడ్ లోనూ బాగానే వెలుగుతోంది. తెలుగు సినీ పరిశ్రమలో బీరువాతో గతేడాది అరంగేట్రం చేసిన ఈ భామ.. ఈ ఏడాది ఇప్పటికే 3 సినిమాలు రిలీజ్ చేసేసింది.

జనవరిలో శర్వానంద్ తో ఎక్స్ ప్రెస్ రాజా.. ఆ తర్వాత మంచు మనోజ్ తో ఎటాక్.. రీసెంట్ గా నానితో జెంటిల్మన్ సినమాల్లో కనిపించింది సురభి. వీటిలో ఎక్స్ ప్రెస్ రాజా.. జెంటిల్మన్ లతో మంచి సక్సెస్ లనే సాధించిందీ హీరోయిన్. మరి ఒకే ఏడాది మూడు సినిమాల్లో నటించి.. అందులో రెండు హిట్లు ఇచ్చిన హీరోయిన్ రేంజ్ ఎలా ఉండాలి? ఖచ్చితంగా వెలిగిపోతుందనే అనుకోవడం సహజం. కానీ సురభికి ఇంకా ఆఫర్ల వరద మొదలుకాలేదు. అందుకే ఇలా ఫోటోషూట్స్ చేసుకుంటూ అందాలను ఎరవేస్తోంది. అమ్మడిలో అన్నీ సమపాళ్లలో ఉన్నా ఇంకా అదృష్టం మాత్రం బీరువాలోనే దాగింది. అందుకే అవకాశాలు అందడం లేదు.

అందులోనూ పెద్ద హీరోల నుంచి అసలు పిలుపు కూడా రావడం లేదు. లక్కీ లేడీ అనిపించుకున్నాక కూడా ఆఫర్లు రాకపోవడం చూస్తే.. సురభి బ్యాడ్ లక్ అర్ధమవుతుంది.