మళ్లీ వీరి కలయికతో కిక్‌ రేసుగుర్రం వంటి సినిమాలు వచ్చేనా?

కొన్ని కాంబినేషన్‌ లు సూపర్‌ హిట్‌ అవుతూ ఉంటాయి. ఆ కాంబినేషన్‌ లు విడిపోతే వారు విడి విడిగా సినిమాలు చేస్తే ఫ్లాప్‌ అయిన దాఖలాలే ఎక్కువగా ఉన్నాయి. ముఖ్యంగా దర్శక రచయితల మద్య మంచి సమన్వయం ఉండి మంచి కథలు రాసుకుంటే తప్పకుండా సూపర్‌ హిట్స్‌ పడుతాయి. అయితే రచయితలు మరియు దర్శకుల మద్య విభేదాలు వచ్చి విడిపోతే ఆ తర్వాత దర్శకుడికి అటు రచయితకు కూడా నష్టం జరిగిన దాఖలాలు మన టాలీవుడ్‌లో చాలానే చూశాం. సురేందర్‌ రెడ్డి వక్కంతం వంశీలు కూడా మంచి సక్సెస్‌ జోడీ అని ప్రత్యేకంగా చెప్పనక్కర్లేదు.

వీరిద్దరి కాంబినేషన్‌ లో పలు సినిమాలు వచ్చాయి. ముఖ్యంగా కిక్‌ మరియు రేసుగుర్రం సినిమాలు బాక్సాఫీస్‌ వద్ద భారీ విజయాలను దక్కించుకున్నాయి. అయితే కిక్‌ 2 నిరాశ పర్చడంతో వీరి కాంబోకు బ్రేక్‌ పడ్డట్లయ్యింది. వీరిద్దరు ఏదైనా కారణం వల్ల బ్రేక్‌ ఇచ్చారా లేదంటే అనుకోకుండా వచ్చిందా అనే విషయంను పక్కన పెడితే ప్రస్తుతం వీరిద్దరు కలిసి ఒక స్ర్కిప్ట్‌ పై వర్క్‌ చేస్తున్నారట. ఆ సినిమాను పవన్‌ చేయబోతున్నాడట. వంశీ రాసిన కథ రామ్‌ తాళ్లూరి వద్దకు వెళ్లగా దానికి సురేందర్‌ రెడ్డి దర్శకత్వం వహించబోతున్నాడు. అలా వీరిద్దరు మళ్లీ కలిసి పని చేస్తున్నారు.

దాదాపు అయిదు సంవత్సరాల తర్వాత వీరిద్దరు కలిసి వర్క్‌ చేస్తున్నారు కనుక తప్పకుండా ఇది మరో కిక్‌ లేదా రేసుగుర్రం రేంజ్‌ కమర్షియల్‌ బ్లాక్‌ బస్టర్‌ అవుతుందని అంతా నమ్మకంగా ఉన్నారు. వంశీ చెప్పిన కథ నచ్చడంతో సురేందర్‌ రెడ్డి దర్శకత్వంలో దాన్ని చేసేందుకు పవన్‌ ఓకే చెప్పాడు. ప్రస్తుతం పవన్‌ చేస్తున్న సినిమాలు పూర్తి అయిన తర్వాత సూరి దర్శకత్వంలో సినిమాకు పవన్‌ డేట్లు ఇచ్చే అవకాశం ఉంది.