తను ది బెస్ట్ జెంటిల్మెన్ -సూరి

కౌంట్ డౌన్ స్టార్టైంది. 2 రోజుల్లో రామ్ చరణ్ ధృవగా రాబోతున్నాడు. ఈ యాక్షన్ థ్రిల్లర్ తో మెగా పవర్ స్టార్ గ్యారంటీగా హిట్ కొడతాడని నమ్ముతున్నారు అభిమానులు. ధృవ డైరెక్టర్ సురేందర్ రెడ్డి కూడా ఆ మాటే అంటున్నాడు. ధృవ హీరో చుట్టూనో.. విలన్ చుట్టూనో తిరిగే సినిమా కాదని స్క్రిప్ట్ ఒరియెంటెడ్ మూవీ అని.. ఈ మూవీ అందర్ని ఆకట్టుకుంటుందని.. ధృవ కోసం అందరి కంటే ఎక్కువగా చరణే కష్టపడ్డాడని.. కష్టానికి తగిన ప్రతిఫలం గ్యారంటీగా వస్తుందని ఆశాభావం వ్యక్తం చేశాడు సురేందర్.

రీమేక్స్ చేయడం చాలా కష్టమని.. కంపారిజన్స్ వచ్చేస్తాయని అభిప్రాయపడ్డ సురేందర్ రెడ్డి.. తనీ ఒరువన్ చూసినప్పుడు కొన్ని ఛేంజెస్ చేస్తే బాగుంటుందనిపించిందని.. దానికి తగ్గట్టే తెలుగులో స్క్రిప్ట్ మార్చామని.. మూవీ కోసం లుక్ మార్చుకోమంటే చెర్రీ వెంటనే ఓకే చెప్పాడని.. మీసం పెంచడంతో పాటు బాడీని కూడా బిల్డ్ చేశాడని.. ఒక్కోసారి 24 గంటలూ చెర్రీ జిమ్ లోనే గడిపేసే వాడని.. ఫిట్ గా కనిపించడానికి ఎన్నో రోజులు కష్టపడ్డాడని తన హీరోకి కాంప్లిమెంట్స్ ఇచ్చాడు.

రామ్ చరణ్ తో వర్క్ చేయడానికి ముందు తన గురించి చాలామంది చాలా రకాలుగా చెప్పారని.. కానీ కలిసి పని చేస్తేగానీ చెర్రీ గ్రేట్ నెస్ అర్థం కాలేదని.. చాలా సింపుల్ గా ఉండే చరణ్ ట్రూ జెంటిల్మన్ అంటూ పొగడ్తలు కురిపించాడు. అలాగే 8కి మూవీకి ఉన్న లింకేంటో తెలియాలంటే ధృవ చూడాల్సిందేనని.. ఒరిజినల్ లో ఈ ఎలిమెంట్ లేదని చెప్పిన సూరి ఫ్యూచర్ లో మెగాస్టార్ చిరంజీవితో వర్క్ చేసే అవకాశమొస్తే ఆ మూవీ చాలా స్టైలిష్ గా తీస్తానన్నాడు.

Like Us on Facebook : https://www.facebook.com/Tupakidotcom/