మరో 'పెళ్ళిచూపులు'ను తెచ్చాడా?

'పెళ్ళిచూపులు' సినిమా ఎంత పెద్ద హిట్టయ్యిందో అందరికీ తెలిసిందే. అయితే ఈ సినిమాను డైరక్టుగా ప్రొడ్యూస్ చేసిన రాజ్ కందుకూరి రిలీజ్ చేసుంటే.. దానికి అంత బజ్ వచ్చుండేది కాదేమో. కాకపోతే మెగా ప్రొడ్యూసర్ సురేష్‌ బాబు ఇందులో ఇన్వాల్వ్ అవడం వలనే భారీ స్థాయిలో పబ్లిసిటీ లభించి సినిమా అనుకున్నదానికంటే పెద్ద రేంజులో రిలీజ్ అయ్యింది. కాని ఈ డీల్ సెట్టవ్వడానికి కారణం.. అసలు పరోక్షంగా ఆ ప్రాజెక్టును సురేష్‌ దగ్గరకు తెచ్చింది మాత్రం వేరే దర్శకనిర్మాత తెలుసా?

చిన్న చిన్న సినిమాలను తానే డైరక్ట్ చేస్తూ ప్రొడ్యూస్ చేస్తూ.. ఈ మధ్యనే వంశీతో ఫ్యాషన్ డిజైనర్ సినిమాను ప్రొడ్యూస్ చేసిన మధుర శ్రీధర్.. అప్పట్లో తరుణ్‌ భాస్కర్ డైరక్షన్లో రాజ్ కందుకూరి నిర్మించిన పెళ్ళిచూపులకు తొలి ఆడియన్స్. వెంటనే ఆ సినిమా నచ్చేయడంతో.. ఈ సినిమాను మీరు కొనుక్కొని రిలీజ్ చేస్తే బాగుంటుంది అంటూ సురేష్‌ బాబు దగ్గరకు తీసుకొచ్చాడట. ఆ తరువాత కథ మనకు తెలిసిందే. ఇక ఇప్పుడు కూడా 'మెంటల్ మదిలో' అనే సినిమాను రాజ్ కందుకూరి ప్రొడ్యూస్ చేయగా.. ఆ సినిమా ప్రివ్యూ చూసిన శ్రీధర్.. వెంటనే సురేష్‌ బాబు దగ్గరకు తీసుకెళ్ళిపోయాడు. ఇంకేముంది.. గతంలో పెళ్లిచూపులు విషయంలో ఈయన జడ్డిమెంట్ కరక్ట్ అయ్యింది కాబట్టి.. ఇప్పుడు కూడా అలాంటి రిజల్టునే ఊహించిన సురేష్‌ బాబు వెంటనే ఈ సినిమాను కొనేసుకున్నాడు.

శ్రీవిష్ణు.. నివేథా పెతురాజ్ హీరో-హీరోయిన్లుగా రూపొందిన మెంటల్ మదిలో సినిమాను వివేక ఆత్రేయ అనే కొత్త కుర్రాడు రూపొందించాడు. ఈ సినిమాలో సున్నితమైన ప్రేమ కథ ఆల్రెడీ ట్రైలర్ లోనే కనిపించింది. అందుకే ఇటు మధుర శ్రీధర్ అటు సురేష్‌ బాబు కూడా టెంప్ట్ అయినట్లున్నారు. చూద్దాం మరి పెళ్ళి చూపులు మ్యాజిక్ ను ఈ టీమ్ ఎంతవరకు రిపీట్ చేస్తుందో!!