వెంకీ సినిమా గురించి సురేష్ క్లారిటీ

నిన్న మీడియాలో వెంకటేష్ నారా రోహిత్ లు తమిళ బ్లాక్ బస్టర్ విక్రం వేదా చేయబోతున్నారన్న వార్త బాగా హల్చల్ చేసింది . మాధవన్ విజయ్ సేతుపతి కలయికలో వచ్చిన ఈ మూవీ తెలుగులో రీమేక్ కావాలని మూవీ లవర్స్ ఎప్పటి నుంచో ఎదురు చూస్తున్నారు. ఎట్టకేలకు ఇది కార్యరూపం దాలుస్తోందని సంతోష పడ్డారు. అయితే వెంకీ అన్నయ్య నిర్మాత సురేష్ బాబు దీనికి స్వయంగా క్లారిటీ ఇస్తూ స్టేట్ మెంట్ జారీ చేశారు.

వెంకీ మామ తప్ప వెంకటేష్ ఇంకే సినిమాకు కమిట్ కాలేదని విక్రం వేదా రీమేక్ గురించి వస్తున్న వార్తలన్నీ అసత్యమని స్పష్టం చేశారు. తర్వాత ఏంటి అనేది అధికారికంగా త్వరలోనే ప్రకటిస్తామని చెప్పేశారు. సో విక్రం వేదా లవర్స్ ఆశపడిన రీమేక్ లేదనే క్లారిటీ వచ్చేసినట్టే

నిజానికి మాధవన్ పాత్రకు వెంకీ పర్ఫెక్ట్ ఛాయస్ అయినప్పటికీ విజయ్ సేతుపతి రోల్ లో నారా రోహిత్ ఎంతవరకు సూట్ అవుతాడో అనే దాని గురించి నిన్నే అనుమానాలు వ్యక్తమయ్యాయి. ఏదైతేనేం అసలు ఆ సినిమా లేదని చెప్పేశారు కాబట్టి ఇక నో డిస్కషన్స్.

వెంకీ మామ షూటింగ్ లో బిజీగా ఉన్న వెంకటేష్ దాని తర్వాత ఏది చేస్తాడు అనే దాని మీద అభిమానుల్లో విపరీతమైన ఆసక్తి నెలకొని ఉంది. ఎఫ్2 ఇండస్ట్రీ హిట్ తో తన స్టామినా మరోసారి ఋజువు చేసిన వెంకీ ఇకపై వేగంగా సినిమాలు చేయాలనీ వాళ్ళ కోరిక. వెంకటేష్ ఆ దూకుడు మీదే ఉన్నట్టు కనిపిస్తున్నాడు