విక్టరీ హీరో తదుపరి థ్రిల్లర్లో..

తెలుగు ఫ్యామిలి హీరో సూపర్ స్టార్ వెంకటేష్ ఇప్పుడు తన సినిమా కథలు విషయంలో చాల జాగ్రతలు తీసుకుంటునట్లు తెలుస్తుంది. సినిమాలు కథలు చాల వింటున్న ఏవి అంత ఆసక్తిగా ఉండకపోవడంతో కొంత బ్రేక్ తీసుకున్నాడు వెంకీ. అయితే ఈ మధ్య ఒక ఆసక్తికరమైన వార్తా సురేశ్ ప్రొడక్షన్ హౌస్ నుండి వచ్చింది. వెంకటేష్ హీరోగా ఒక థ్రిల్లర్ సినిమాలో నటించబోతున్నాడు అని అంటున్నారు. ఈ విషయాన్ని స్వయంగా తన అన్న సురేశ్ బాబు చెప్పడంతో వెంకీ అభిమానులులో కొత్త ఉత్సాహం వచ్చింది.

నేనే రాజు నేనే మంత్రి సినిమా ప్రీ రిలీజ్ ఫంక్షన్ లో సురేశ్ బాబు మాట్లాడుతూ “వెంకటేష్ ఒక థ్రిల్లర్ కథ విని బాగా నచ్చింది. ఈ సినిమాలో గ్రాఫిక్స్ ఎక్కువ ఉంటాయి. సినిమాకు సంబందించిన స్క్రిప్ట్ పనులు కూడా జరుగుతున్నాయి. ఈ సినిమాను ఒక కొత్త డైరెక్టర్ డైరక్షన్ చేయబోతున్నాడు. ఈ సినిమాను సురేశ్ ప్రొడక్షన్ బేనర్ లోనే నిర్మిస్తున్నాం అని కూడా చెప్పాడు. స్క్రిప్ట్ కు వి‌ఎఫ్‌ ఎక్స్ వర్క్ చాలా ముఖ్యం కాబట్టి బడ్జెట్ కూడా ఎక్కువనే అంటున్నారు. ”

‘గురు’ సినిమా తరువాత విన్న చాలా కథలు తరువాత వెంకీ ఓకే చెప్పాడు ఈ కథకు. అన్నీ అనుకున్న విదంగా జరిగితే కొన్ని నెలలోనే షూటింగ్ మొదలుకావచ్చు అని తెలుస్తుంది. ఈ థ్రిల్లర్ సినిమా కాకుండా మరో సినిమా కూడా ప్లాన్ చేస్తున్నారు దగ్గుబాటి ఫ్యామిలి. రానా - వెంకీ ముఖ్య పాత్రలుగా ఒక తమిళ్ రీమేక్ ను చేసే అవకాశం ఉంది అని కూడా తెలుస్తుంది. ఆర్ మాధవన్ - విజయ్ సేతుపతి నటించిన ‘విక్రమ్ వేధ’ సినిమాను ఇక్కడ మన తెలుగులో దగ్గుబాటి ఫ్యామిలి చేయబోతుంది అని వార్తలు వస్తున్నాయి.