ఆ లవ్ స్టోరీపై ​సురేష్ బాబు కాన్ఫిడెన్స్

2016 లో వచ్చిన పెళ్లి చూపులు సినిమాకు ఊహించని పెద్ద విజయమే దక్కింది. అసలు ఈ సినిమా విడుదల అవుతుందా లేదా అనే మీమాంసలో ఉన్నప్పుడు ప్రొడ్యూసర్ సురేష్ బాబు సినిమాను చూసి కంటెంట్ ఉన్న సినిమాగా గుర్తించి దానికి మంచి థియేటర్ విడుదల ఉండేటట్లు చేసి సినిమా విజయానికి సహకారం అందించాడు. ఇప్పుడు మళ్ళీ మరో చిన్న సినిమాకు చేయూతను ఇచ్చి ప్రమోట్ చేస్తున్నాడీ సీనియర్ పొడ్యూసరు.

కాదలి అనే త్రికోణ ప్రేమ కథ జూన్ 16న విడుదలవుతోంది. రెండు తెలుగు రాష్ట్రాలలో సురేష్ బాబు ఆధ్వర్యంలో ఉన్న థియేటర్స్ లో గ్రాండ్ రిలీజ్ కాబోతుంది. ఒక సినిమాలో విషయం లేకపోతే సురేష్ బాబు ఆ సినిమాను ప్రమోట్ చేయరనే టాక్ ఉంది. ఇక కాదలి సినిమాకు ఇంతేసి సపోర్టు ఇస్తున్నాడంటే.. సురేష్ బాబు ఆ కంటెంట్ ను నమ్మినట్లే. కాబట్టి మళ్ళి ఈ ఏడాది పెళ్లిచూపులు సినిమాలాగా ఇది కూడా చక్కటి విజయం పొందుతుందా అని ట్రేడ్ వర్గాలు ఆసక్తిగా ఎదురు చూస్తున్నారు. ఈ శుక్రవారమే రిలీజ్ కాబట్టి.. సురేష్‌ బాబు కాన్ఫిడెన్స్ ఏంటో మనక్కూడా వెంటనే తెలుస్తుందిలే.

ఇకపోతే కాదలి సినిమాలో అంత కొత్తవాళ్లైన హరీష్ కళ్యాణ్ - సాయి రోనాక్ - పూజ దోషి లీడ్ రోల్స్ లో నటించారు. ఈ సినిమా ఆడియో ఫంక్షన్ కూడా అందరి దృష్టిని ఆకర్షించింది ఎందుకంటే తెలంగాణ మంత్రి KTR, మెగా పవర్ స్టార్ రామ్ చరణ్ వచ్చి పాటలును విడుదల చేసారు. ఈ సినిమాను డైరక్ట్ చేసిన పట్టాభి.. మంత్రి కెటిఆర్ కు స్వయంగా స్నేహితుడు. అందుకే సోషల్ మీడియాలో కూడా సమంత, రానా దగ్గుబాటి కూడా తమ వంతు ప్రమోట్ చేసారు.

Like Us on Facebook : https://www.facebook.com/Tupakidotcom/