సూర్యకి ఇబ్బందిగా ఉంటుందట

కోలీవుడ్ లో బాక్స్ ఆఫీస్ ను బద్దలు కొట్టే హీరోల్లో సూర్య కూడా ఉన్నాడని ప్రత్యేకంగా చెప్పనక్కర్లేదు. నటనలో ఏ స్థాయిలో అయినా ప్రయోగాలను చేసే ఈ స్టార్ హీరో సినిమాలంటే అందరికి ఇష్టమే. ఎంత పెద్ద స్టార్ హీరోకి అయినా నెగిటివ్ ఫ్యాన్స్ ఉండడం కామన్. కానీ సూర్య కి మాత్రం ఎక్కువగా లేరు. తన సినిమాల్లో ప్రతి సారి ఎదో ఒక కొత్తదనం ఉండేలా చూసుకుంటూ మినిమమ్ హిట్ అందుకునేలా ట్రై చేస్తాడు.

ఆ ప్రయోగాల వల్లే తెలుగులో కూడా సూర్య మంచి ఇమేజ్ ను తెచ్చుకున్నాడు. ప్రస్తుతం అదే తరహాలో గ్యాంగ్ అనే డిఫెరెంట్ సినిమాతో ప్రేక్షకుల ముందుకు రాబోతున్నాడు. అయితే రీసెంట్ గా సినిమాకు సంబందించిన ప్రీ రిలీజ్ వేడుకను తమిళనాడులో జరుపగా అందులో సూర్య అభిమానులను ఎంతగానో ఆకట్టుకున్నాడు. వేడుకకి చాలా మంది అభిమానులు రాగా కొంత మంది కుర్రాళ్లను పిలిచి వారితో స్టేజ్ పైనే చిందులు వేశాడు.

అందుకు సంబందించిన వీడియో ఇప్పుడు సోషల్ మీడియాలో చాలా వైరల్ అవుతోంది. అయితే వేడుకలో సూర్య అందరి అభిమానులకు ఒక మాట చెప్పాడు. ఎవరు తన కాళ్లపై పడవద్దని అలా చేస్తే చాలా ఇబ్బందిగా ఉంటుందని రిక్వెస్ట్ చేశాడు. ఇక గ్యాంగ్ సినిమా ప్రపంచవ్యాప్తంగా శుక్రవారం రిలీజ్ కాబోతోంది. తెలుగులో కూడా సినిమా రిలీజ్ కాబోతున్న సంగతి తెలిసిందే.