నయన్ బాయ్‌ ఫ్రెండుకు హీరో కారిచ్చాడు

దర్శకుడు విఘ్నేష్ ఇప్పుడు ఫుల్లు ఫామ్ లోకి వచ్చేశాడు. గతంలో ఇతగాడికి పెద్దగా క్రేజ్ ఉండేది కాదు. పోడా పోడీ అంటూ ఒక్క ఫిలిం డైరెక్ట్ చేశాడంతే. కానీ లేడీ సూపర్ స్టార్ అనిపించుకుంటున్న నయనతారతో నానుం రౌడీ దాన్ మూవీ చేసిన తర్వాత.. ఇతగాడి లైఫ్ మారిపోయింది. ఆమెకు బాగా చేరువ అయిపోయాడు. ఇప్పుడు నయన్ బాయ్ ఫ్రెండ్ అనే ట్యాగ్ లైన్ సంపాదించేశాడు. ఆమె రికమెండేషన్ కారణంగా పెద్ద సినిమాలు కూడా పట్టేస్తున్నాడు.

తానా సేరేంద్ర కూట్టం అంటూ తమిళ స్టార్ సూర్యతో సినిమా చేశాడు విఘ్నేష్ శివన్. ఈ ఏడాది సంక్రాంతికి గ్యాంగ్ అంటూ తెలుగులో కూడా ఈ మూవీ రిలీజ్ అయింది. గ్యాంగ్ తెలుగు వెర్షన్ ఫ్లాప్ అయినా కూడా.. తమిళంలో ఓ మోస్తరుగా హిట్ సాధించింది. అందుకే ఇతడికి ఓ మాంచి కారు గిఫ్టుగా ఇచ్చాడు సూర్య. టొయోటా ఇన్నోవా క్రిస్టా మోడల్ కార్.. చెర్రీ రెడ్ మోడల్ ను గిఫ్ట్ గా ఇచ్చాడు సూర్య. అటు దర్శకత్వం ఛాన్స్ తో పాటు ఇటు కారు కూడా అందుకున్నాడు నయన్ బాయ్ ఫ్రెండ్. అయితే ఏదో లగ్జరీ కార్ ఇస్తే ఓకే అనుకోవచ్చు కానీ.. ఇలా 30 లక్షల రేంజ్ లో రూపాయల ఇన్నోవా ఏంటండీ సీప్ గా.. అనే కామెంట్స్ వినిపిస్తున్నాయి.

దర్శకుడి ట్యాలెంట్ ను గుర్తించి గిఫ్ట్ ఇవ్వడం సూర్యకు ఆనవాయితీ. గతంలో సింగం3 ఫ్లాప్ అయినా సరే.. హరికి ఓ కారు బహుమతిగా ఇచ్చాడు సూర్య. ఇప్పుడు టీఎస్కే కూడా ఓ స్థాయి హిట్ కదా.. అందుకే ఓ రేంజ్ కారు ఇచ్చాడంతే.