అది విడుదల కాకుండానే మరోటి..!

తమిళంతో పాటు తెలుగులో కూడా స్టార్‌ డంను కలిగి ఉన్న హీరో సూర్య ‘ఎన్‌ జీ కే’ చిత్రంతో ఇప్పటికే ప్రేక్షకుల ముందుకు రావాల్సి ఉంది. కాని కొన్ని కారణాల వల్ల సినిమా ఆలస్యం అవుతూ వస్తోంది. ఆ చిత్రం షూటింగ్‌ పూర్తి కాకుండానే సూర్య మరో సినిమాకు కమిట్‌ అయ్యాడు. ప్రముఖ దర్శకుడు కేవీ ఆనంద్‌ దర్శకత్వంలో ఒక చిత్రం రూపొందుతోంది. ఆ చిత్రానికి తాజాగా ‘ఉయిర్కా’ అనే టైటిల్‌ ను ఖరారు చేశారు. ఈ చిత్రం షూటింగ్‌ సగానికి పైగా పూర్తి అయినట్లుగా సమాచారం అందుతోంది.

‘ఎన్‌ జీ కే’ చిత్రం విడుదలకు ముందే ఈ చిత్రం విడుదలైనా ఆశ్చర్య పోనక్కర్లేదు అంటూ సినీ వర్గాల వారు అంటున్నారు. భారీ అంచనాల నడుమ తెరకెక్కిన ఆ చిత్రం విడుదల వాయిదా నేపథ్యంలో అభిమానులను ‘ఉయిర్కా’ చిత్రంతో అయినా సంతృప్తి పర్చాలనే ఉద్దేశ్యంతో హీరో సూర్య ఈ చిత్రంను కాస్త స్పీడ్‌ గా చేస్తున్నట్లుగా తమిళ సినీ వర్గాల్లో టాక్‌ వినిపిస్తుంది. ఈ చిత్రంలో సూర్యకు జోడీగా సాహేషా సైగల్‌ హీరోయిన్‌ గా నటిస్తోంది. ఈమద్య కాలంలో తమిళ ఇండస్ట్రీలో పెద్ద సినిమాలను నిర్మిస్తూ భారీ విజయాలను అందుకుంటున్న నిర్మాణ సంస్థ లైకా ప్రొడక్షన్స్‌ ఈ చిత్రాన్ని నిర్మిస్తున్నారు. హరీష్‌ జై రాజ్‌ సంగీతాన్ని అందిస్తున్న ఈ చిత్రంను వచ్చే ఏడాది ప్రథమార్థం చివర్లో విడుదల అయ్యే అవకాశం ఉంది.