ఫొటోటాక్‌ : లేడీ డైరెక్టర్‌ ఫ్యామిలీ వేడుకలో స్టార్‌ హీరో లుక్‌ అదుర్స్‌

తమిళ స్టార్‌ హీరో సూర్య త్వరలో సూరారై పొట్రూ సినిమాతో ప్రేక్షకుల ముందుకు రాబోతున్నాడు. ఆ సినిమాకు దర్శకత్వం వహించిన లేడీ డైరెక్టర్‌ సుధ కొంగర కూతురు వివాహ వేడుక ఇటీవల జరిగింది. ఈ సందర్బంగా ఆ వేడుకలో సూర్య సరికొత్త లుక్‌ తో కనిపించాడు. సూర్య గత కొన్ని రోజులుగా లాంగ్‌ హెయిర్‌ స్టైల్‌ ను మెయింటెన్‌ చేస్తున్నాడు. తదుపరి సినిమా కోసం సూర్య కొత్త లుక్‌ ను ట్రై చేస్తున్నాడు. అయితే అందుకు సంబంధించి అధికారికంగా లుక్ మాత్రం ఇప్పటి వరకు రివీల్‌ కాలేదు.

మొదటి సారి సుధ కొంగ ఇంట పెళ్లి వేడుకలో భాగంగా సూర్య లుక్‌ రివీల్‌ అయ్యింది. సూర్య అభిమానులతో పాటు మీడియా వర్గాల వారు ఈ ఫొటోలను తెగ షేర్‌ చేస్తున్నారు. లాంగ్‌ హెయిర్‌ తో పాటు సాంప్రదాయబద్దమైన కాస్ట్యూమ్స్‌ లో సూర్య కనిపించాడు. ప్రస్తుతం నెట్టింట తమిళ ఆడియన్స్‌ వైరల్‌ చేస్తున్నారు. త్వరలో సినిమా విడుదల కాబోతున్న నేపథ్యంలో ఈ లుక్‌ సోషల్‌ మీడియాలో ట్రెండ్‌ అవుతుండటంతో సినిమా గురించి కూడా మంచి పబ్లిసిటీ అవుతుంది. తెలుగులో సూరారైపొట్రూ సినిమా ఆకాశమే నీ హద్దురా టైటిల్‌ తో విడుదల కాబోతుంది. థియేటర్లు లేకపోవడం వల్ల ఓటీటీలో స్ట్రీమింగ్‌ కు రెడీ చేశారు. దీపావళికి ఈ సినిమాతో ప్రేక్షకులను ఎంటర్‌ టైన్‌ చేస్తానంటూ సూర్య హామీ ఇస్తున్నాడు.