సూర్య ‘ఎస్‌-3’ కొత్త రిలీజ్ డేట్

ఇప్ప‌టికే ‘ఎస్‌-3’ రిలీజ్ డేట్ అంటూ చాలా ప్ర‌క‌ట‌న‌లు చూశాం. ఇప్పుడు ఇంకో కొత్త డేట్ వ‌చ్చింది. రెండు రోజుల కింద‌ట ఈ సినిమాను జ‌న‌వ‌రి 26 నుంచి వాయిదా వేస్తున్న‌ట్లు ప్ర‌క‌టించిన సంగ‌తి తెలిసిందే. ఆ సంద‌ర్భంగా నెక్స్ట్ డేట్ ఫిబ్ర‌వ‌రి 3 అని ప్ర‌చారం జ‌రిగింది. ఐతే ఈ సినిమాను ఆ రోజు రిలీజ్ చేయ‌ట్లేద‌ట‌. ఫిబ్ర‌వ‌రి 9న రిలీజ్ చేస్తార‌ట‌. గురువారం సెంటిమెంటును దృష్టిలో ఉంచుకుని ఫిబ్ర‌వ‌రి 9కి ఫిక్స‌య్యాడు సూర్య‌. గ‌ణ‌తంత్ర దినోత్స‌వ శుభాకాంక్ష‌లు చెబుతూ కొత్త రిలీజ్ డేట్ ప్ర‌క‌టించారు. ఇప్ప‌టికి ఎన్నిసార్లు వాయిదా ప‌డ్డ‌ప్ప‌టికీ.. ఈ డేట్ మాత్రం ఫైన‌ల్ అంటోంది చిత్ర బృందం.

ఫిబ్ర‌వ‌రి 3న కాకుండా 9న సినిమాను రిలీజ్ చేయ‌డం నాని మూవీ ‘నేను లోక‌ల్‌’కు ఊర‌ట‌నిచ్చేదే. సూర్య సినిమా ఆ రోజు వ‌స్తుంద‌న‌గానే ఆ చిత్ర బృందం కొంత కంగారు ప‌డే ఉంటుంది. ఎందుకంటే సూర్య‌కు తెలుగులో ఉన్న ఫాలోయింగ్ ఏంటో మ‌నోళ్ల‌కు బాగానే తెలుసు. నానిని వ‌దిలేసిన సూర్య‌.. సీనియ‌ర్ హీరో నాగార్జున‌కు పోటీ ఇవ్వ‌బోతున్నాడు. ‘ఓం న‌మో వేంక‌టేశాయ’ ఫిబ్ర‌వ‌రి 10న రిలీజ‌వుతున్న సంగ‌తి తెలిసిందే. ఇది ఆధ్యాత్మిక చిత్రం కావ‌డంతో మాస్ ప్రేక్ష‌కుల్ని సూర్య సినిమానే ఎక్కువ ఆక‌ర్షిస్తుంద‌న‌డంలో సందేహం లేదు. హ‌రి ద‌ర్శ‌క‌త్వంలో రూపొందించిన ‘ఎస్‌-3’ని త‌మిళంలో సూర్య క‌జిన్ జ్నాన‌వేల్ రాజా నిర్మించాడు. తెలుగులో ఈ చిత్రాన్ని మాల్కాపురం శివ‌కుమార్ అందిస్తున్నాడు.


Like Us on Facebook : https://www.facebook.com/Tupakidotcom/