కొన్నాళ్ళపాటు ప్రయోగాలకు దూరంగా...

ఏదన్నా ఒక ఫ్లావర్‌ సినిమా పంచ్‌ ఇచ్చిందనుకోండి.. ఇక అలాంటి సినిమాలకు దూరంగా ఉండటమే బెటర్ అని ఫీలవుతుంటారు మన హీరోలు. అదిగో హీరో సూర్య కూడా అలాగే ఫీలయ్యాడు. ఆ మధ్యన రెండు కాజాలు తిన్న తరువాత.. కాసింత జాగ్రత్తగా ఒక సినిమా తీయగా.. ఆ సినిమా కూడా ఇప్పుడు అప్సెట్ చేసింది. అందుకే ప్రయోగాలకు ఇక దూరం అనేస్తున్నాడు.

అంజాన్‌ అండ్‌ రాక్షసుడు సినిమాలు ఫ్లాపయ్యాక.. సూర్య కు పంచ్‌ గాట్టిగానే పడింది. ఆ తరువాత మనోడు చాలా కేర్‌ ఫుల్‌ గా ''24'' సినిమాను ఎంచుకున్నాడు. సినిమా బాగుందనే టాక్‌ వచ్చినా కూడా.. చివరకు 20+ కోట్లు లాస్‌ వచ్చింది. అందుకేనేమో ఇప్పుడు సూర్య అసలు ప్రయోగాలనేవి చేయకూడదని ఫిక్సయ్యాడు. అది కూడా భారీ బాడ్జెట్‌ తో బాస్కెట్‌ బాల్‌ గేమ్‌ ఆడకుండా.. చక్కగా సింపుల్‌ బడ్జెట్‌ లో మాస్ మసాలా కథతో కబడ్డి ఆడదాం అంటున్నాడు. అందుకే ఇప్పటికే సింగం 3 సినిమాను చేస్తున్న సూర్య ఆ తరువాత మత్తయ్య అనే దర్శకుడితో సినిమాను చేయబోతున్నాడు. రీసెంటుగా రాయుడు అంటూ విశాల్ తో ఊరమాస్‌ సినిమాను తీసిన ఈ దర్శకుడు ఇప్పుడు సూర్యకు కూడా అలాంటి కథే ఒకటి చెప్పాడట.

సర్లేండి.. హిట్టు కావాలంటే కొన్నాళ్ళకు ప్రయోగాలకు దూరంగా ఉండాలి అనే ఆలోచన మంచిదే. కాని సూర్య వంటి హీరోలే ప్రయోగాలు చేయకపోతే ఇంకెవరు చేస్తారు?