కాష్మోరా చూసి మైండ్ బ్లాంకయ్యిందట

స్టార్ హీరోల్లో ట్యాలెంటెడ్ ఆర్టిస్టులే ఉంటారు కానీ.. ప్రతీ సినిమాతోనూ తమ ట్యాలెంట్ ను చూపించేయాలని తపన పడిపోయి.. డిఫరెంట్ అనే పదానికి కేరాఫ్ అడ్రస్ లా ఉండేవాళ్లు మాత్రం తక్కువమందే. ఇలాంటి వారిలో కోలీవుడ్ హీరో సూర్య పేరు ప్రముఖంగా చెప్పకపోతే అసలా లిస్ట్ కే అర్ధం ఉండదు.

అయితే.. సూర్య కూడా ఓ హీరో యాక్టింగ్ చూసి షాక్ తినేశాడు. అతను ఎవరో కాదు.. సూర్య తమ్ముడు కార్తి. యుగానికొక్కడు.. నాపేరు శివ.. ఊపిరి.. రీసెంట్ గా కాష్మోరాతో మనోళ్లకు కూడా కార్తి బాగా దగ్గర. అయితే.. కాష్మోరా మూవీలో.. అటు కాష్మోరాగాను.. ఇటు రాజ్ నాయక్ గాను.. రెండు పాత్రలు పోషించిన కార్తి.. అదరగొట్టేశాడు. సినిమాకి వెన్నెముకలా నిలిచి.. వన్ మ్యాన్ షో చేసేశాడని చెప్పాలి. 'నేను అందుకోవాల్సిన కొత్త బెంచ్ మార్కులు ఇప్పుడు రెడీ అయ్యాయి. తమిళ్ సినిమా చూడని కొత్త లోకాన్ని పరిచయం చేశారు. రాజ్ నాయక్ రత్నమహాదేవి ఎపిసోడ్ అదిరిపోయింది. ఈ మాగ్నమ్ ఒపస్ మూవీ అందించిన కాష్మోరా యూనిట్ కు అభినందనలు' అంటూ ఓ పెద్ద అభినందనల మెసేజ్ పోస్ట్ చేశారు సూర్య.

పరుత్తివీరన్ లో తమ్ముడి యాక్షన్ చూసి కౌగిలించుకున్నానని చెప్పిన సూర్య.. కాష్మోరా చూశాక కొన్ని అడుగులు దూరంలో ఆగిపోయానని చెప్పడం విశేషం.

Like Us on Facebook : https://www.facebook.com/Tupakidotcom/