ఎస్3 రిలీజ్ ఆపేస్తున్న సూర్య

కోలీవుడ్ లో ఇప్పుడు రిలీజ్ కాబోతోన్న క్రేజీ మూవీ సూర్య నటించిన సింగం సీక్వెల్ ఎస్3. డిసెంబర్ 23న ఈ మూవీని ప్రపంచవ్యాప్తంగా గ్రాండ్ రిలీజ్ చేసేందుకు అన్ని ఏర్పాట్లు దాదాపు పూర్తయిపోయాయి. తమిళ్ తో పాటు తెలుగులోనూ ఈ చిత్రం ఏకకాలంలో విడుదల కానుండగా.. ఇప్పుడీ మూవీని విడుదల విషయంలో సూర్య మనసు మార్చుకున్నట్లు తెలుస్తోంది.

డిసెంబర్ 23న విడుదల కావాల్సిన ఎస్3 ను వాయిదా వేయడం దాదాపు ఖాయమైందట. ఒకవైపు పెద్ద నోట్ల రద్దు వ్యవహారంతో సినిమా ఇండస్ట్రీ ఇంకా స్లంప్ లోనే ఉన్న పరిస్థితి కనిపిస్తోంది. మన దగ్గర రెండు హిట్స్ పడ్డంతో పరిశ్రమ కాసింత కోలుకుంది కానీ.. తమిళనాట ఈ ఎఫెక్ట్ ఇంకా ఎక్కువగానే ఉందని అంటున్నారు. మరోవైపు.. రీసెంట్ గా వర్దా తుఫాన్ కూడా చెన్నైతో పాటు తమిళనాడులోని మరికొన్ని ప్రాంతాల్లో గట్టి ప్రభావమే చూపించింది.

ఇలాంటి పరిస్థితిలో ఎస్3ని థియేటర్లలోకి తీసుకురావడం రిస్క్ అని భావిస్తున్నారట సూర్య అండ్ ప్రొడ్యూసర్. ఇంకా అఫీషియల్ గా ప్రకటించలేదు కానీ.. ఇదే ఖాయం అయితే మాత్రం.. ఈసారి క్రిస్మస్ కి తెలుగు-తమిళ్ లలో పెద్ద సినిమా ఏదీ లేనట్లే. నిజానికి దీపావళికే విడుదల కావాల్సిన ఈ సినిమా అప్పట్లో కాష్మోరా కోసం డిసెంబర్ 16కు.. ఆతర్వాత డిసెంబర్ 23కు వాయిదా పడింది. ఇప్పుడు ముచ్చటగా మూడోసారి వాయిదా వేసుకుంటున్నా.. రిలీజ్ డేట్ విషయంలో ఇంకా ఫైనల్ డెసిషన్ కు రాలేదని టాక్ వినిపిస్తోంది.

Like Us on Facebook : https://www.facebook.com/Tupakidotcom/