ఆ సినిమా కోసం హీరో అంత రిస్క్ చేస్తున్నాడా..?

సౌత్ స్టార్ హీరో సూర్య ఏదైనా సినిమా అంగీక‌రిస్తే దాని కోసం ఎంత రిస్క్ అయినా చేస్తాడు. ఈ విష‌యం చాలా సంద‌ర్భాల్లో రుజువు చేసాడు. సూర్య స‌న్నాఫ్ కృష్ణ‌న్‌` చిత్రం కోసం 13 ఏళ్ల కుర్రాడిగా మారి ఆశ్చ‌ర్య‌ప‌రిచిన సూర్య ఆ త‌రువాత కూడా అదే త‌ర‌హా ప్ర‌యోగాలు చేస్తూ వ‌స్తున్నారు. తాజాగా ఆయ‌న న‌టిస్తున్న తాజా త‌మిళ చిత్రం `సూరరాయి పోట్రు`. సుధా కొంగ‌ర ద‌ర్శ‌క‌త్వం వ‌హిస్తున్న ఈ చిత్రాన్ని తెలుగులో `ఆకాశ‌మే హ‌ద్దురా` పేరుతో రిలీజ్ చేస్తున్నారు.

ఈ సినిమా ఏయిర్ డెక్క‌న్ వ్య‌వ‌స్థాప‌కుడు జి.ఆర్‌. గోపీనాథ్ జీవిత క‌థ ఆధారంగా ఈ చిత్రాన్ని రూపొందిస్తున్నట్లు సమాచారం. ఒక విధంగా చెప్పాలంటే జి.ఆర్‌. గోపీనాథ్ బ‌యోపిక్ అన్న‌మాట‌. నిజానికి ఈ సినిమా ఈ నెల‌లోనే రిలీజ్ కావాల్సింది కానీ క‌రోనా వైర‌స్ ప్ర‌భావంతో వాయిదా పడింది. ఇక అసలు విషయం ఏంటంటే.. ఈ చిత్రంలోని కొన్ని కీల‌క స‌న్నివేశాల్లో హీరో సూర్య 19 ఏళ్ల యువ‌కుడిగా క‌నిపించాల్సి వుంది. 44 ఏళ్ల వ‌య‌సున్న సూర్య 19 ఏళ్ల యువ‌కుడిగా ఎలా మారాడు అన్న‌ది ఆస‌క్తిక‌రంగా మారింది. డైరెక్టర్ సుధా కొంగర చెప్పిన మాటను కాదనకుండా ఈ సినిమా కోసం 19యేళ్ల యువకుడిగా మారుతున్నాడు సూర్య.

దీనికి సంబంధించిన మేకింగ్ వీడియో ప్ర‌స్తుతం సోష‌ల్ మీడియాలో వైర‌ల్‌ అవుతోంది. హీరో సూర్య అలా 19 ఏళ్ల యువ‌కుడిగా మార‌డం కోసం ఎన్నో క‌స‌ర‌త్తులు చేస్తున్నాడు. అలా మారడానికి ఎలాంటి డైట్‌ని పాటించాడ‌న్న‌ది కూడా ఈ వీడియోలో చూపించడం విశేషం. సోషల్ మీడియాలో సూర్య మేకింగ్ వీడియో చుసిన వారంతా హ్యాట్సాఫ్ సూర్య కామెంట్స్ ద్వారా ప్ర‌శంస‌ల వ‌ర్షం కురిపిస్తున్నారు.