రాజ‌మండ్రిలో చుట్టుముట్టేశారు!

ఇలా రౌండప్‌ చేసి కన్ ఫ్యూజ్‌ చేయొద్దు.. కన్ ఫ్యూజన్‌ లో ఎక్కువ కొట్టేస్తా! అన్నాడు సూప‌ర్‌ స్టార్ మ‌హేష్‌. ఇప్పుడు సూర్య స‌న్నివేశం చూస్తుంటే అలానే ఉందిక్క‌డ‌. త‌న‌ని రౌండ‌ప్ చేస‌న అభిమానుల్ని తోసుకుని మ‌రీ ముందుకు వెళ్లాల్సొచ్చింది. అలా అయినా త‌న‌ని క‌ద‌ల‌నివ్వ‌కుండా చుట్టుముట్టేశారు. అస‌లింత‌కీ ఈ సీన్ ఎక్క‌డ‌? అంటే .. ఇదిగో ఆన్స‌ర్..

సూర్య ప్ర‌స్తుతం సెల్వ‌రాఘ‌వ‌న్ ద‌ర్శ‌క‌త్వంలో `ఎన్‌ జీకే` చిత్రంలో న‌టిస్తున్న సంగ‌తి తెలిసిందే. ఇప్ప‌టికే ఈ సినిమా ఫ‌స్ట్‌ లుక్‌ - సెకండ్ లుక్ రిలీజై అభిమానుల్ని ఆక‌ట్టుకున్నాయి. ఈ చిత్రంలో సూర్య విప్ల‌వ క‌థానాయ‌కుడిగా.. విద్యార్థి నాయ‌కుడిగా క‌నిపించ‌నున్నాడు. చెగువేరా త‌ర‌హాలో రెబ‌ల్ స్టైల్లో అత‌డి వేషాన్ని రివీల్ చేసిన‌ప్పుడే సంథింగ్ ఏదో కొత్త‌గా ట్రై చేస్తున్నాడ‌న్న చ‌ర్చ సాగింది. ఇప్ప‌టికే ఈ సినిమా మెజారిటీ పార్ట్ చిత్రీక‌ర‌ణ పూర్త‌యింది.

తాజా షెడ్యూల్ రాజ‌మండ్రి-గోదారి ప‌రిస‌రాల్లో తెర‌కెక్కించేందుకు చిత్ర‌యూనిట్ ప్లాన్ చేసింది. అయితే అక్క‌డ ఊహించ‌ని స‌న్నివేశం ఎదురైంది సూర్య‌కు. రాజ‌మండ్రి సిటీలో షూటింగ్ కోసం విచ్చేసిన సూర్య‌ను ఒక్క‌సారిగా అభిమానులు చుట్టుముట్టారు. త‌న‌కు ఎలాంటి సెక్యూరిటీ లేకుండా సింపుల్‌ గా వ‌చ్చేయ‌డంతో అస‌లు ఎటూ క‌ద‌ల‌నివ్వ‌కుండా జ‌నం రౌండ‌ప్ చేశారు. దీంతో క‌న్ ఫ్యూజ్ అయిన చిత్ర‌యూనిట్ ఒక‌రోజు పాటు షూటింగ్‌ ని ఆపేసింది. ప‌ర్స‌న‌ల్‌ సెక్యూరిటీ పెంచుకుని నేడు సూర్య చిత్రీక‌ర‌ణ‌లో పాల్గొన‌నున్నార‌ని తెలుస్తోంది. సూర్య త‌మిళ హీరోనే అయినా తెలుగువాళ్ల‌లో ఎంతటి వీరాభిమానం ఉందో ఈ స‌న్నివేశం చెబుతోంది. కేవ‌లం ఫ్యాన్స్ చుట్టుముట్ట‌డంతో ఒక‌రోజు షూటింగ్ ఆపేయ‌డ‌మంటే మాటలా?.. అదీ అభిమానం అంటే! దాని ముందు ఏదైనా నిల‌వ‌దు. గ‌జిని సూర్య‌గా ఇప్ప‌టికీ ఎప్ప‌టికీ తెలుగువారి మ‌న‌సుల్లో నిలిచే ఉంటాడు సూర్య‌.