ఒక్క సినిమా హిట్ తో మరీ ఇంత స్పీడ్‌ ఏంటి బాబోయ్‌

యంగ్‌ హీరోలు ఒక్క సూపర్‌ హిట్‌ పడితే నాలుగు అయిదు సంవత్సరాల పాటు ఆ సక్సెస్ ను చూపించుకుని ఆఫర్లు దక్కించుకోవచ్చు. కొత్త హీరోలకు సక్సెస్ లు ఎంత అవసరమో అలాంటి సందర్భంలోనే వెళ్లడి అవుతుంది. అయితే ఈ మధ్య సీనియర్ హీరోలు కూడా సక్సెస్ అయితేనే ఎక్కువ సినిమాలు చేసే అవకాశాలు కనిపిస్తున్నాయి.

మొన్నటి వరకు యూనివర్శిల్‌ స్టార్‌ కమల్ హాసన్‌ మళ్లీ సినిమాలు చేస్తాడా.. అసలు ఆయన సినిమాలను జనాలు చూస్తారా అనే అనుమానాలు ఉండేవి. కానీ విక్రమ్‌ సినిమా తో మొత్తం మారిపోయింది. ఏకంగా ఇండస్ట్రీ హిట్‌ గా విక్రమ్‌ సినిమా నిలవడంతో కమల్‌ హాసన్ తన జోరు పెంచాడు.

విక్రమ్‌ ముందు వరకు అసలు సినిమాలు చేస్తున్నాడా లేదా అన్నట్లుగా ఉండేవాడు. కానీ ఇప్పుడు కమల్‌ అరడజనుకు పైగా సినిమాలు లైన్ లో పెట్టాడు.

విక్రమ్‌ సూపర్ హిట్‌ అవ్వడం వల్ల ఇండియన్ 2 కు ఉన్న ఇబ్బందులు అన్నీ కూడా తొలగి పోయాయి. అంతే కాకుండా గతంలో ఆగిపోయిన మరో రెండు సినిమాలు కూడా తిరిగి పునః ప్రారంభం అయ్యే అవకాశాలు కనిపిస్తున్నాయి. గతంలో ఆగిపోయిన సినిమాలు మాత్రమే కాకుండా కొత్త సినిమాలను కూడా కమల్‌ బ్యాక్ టు బ్యాక్ కమిట్‌ అవుతున్నాడు.. చకచక చేసేస్తున్నాడు.

వాటిల్లో ప్రధానంగా హెచ్ వినోద్‌ దర్శకత్వంలో ఒక సినిమా ఉండబోతుంది. అంతే కాకండా మణిరత్నం దర్శకత్వంలో కమల్‌ హాసన్ సినిమా ఒకటి ప్రారంభం అవ్వబోతున్నట్లుగా అధికారికంగా ప్రకటన వచ్చింది. మలయాళ దర్శకుడు మహేష్‌ నారాయణ్‌ తో ఒక సినిమా కూడా చేయబోతున్నాడు. ఇప్పటికే అందుకు సంబంధించిన చర్చలు జరుగుతున్నాయి.

యూనివర్శిల్‌ స్టార్‌ కమల్‌ హాసన్‌ ఒకే ఒక్క సినిమా తో ఇన్ని సినిమాలను కమిట్ అవ్వడం ఆశ్చర్యంగా ఉందంటూ కామెంట్స్ వస్తున్నాయి. కమల్‌ హాసన్ కు విక్రమ్‌ సినిమా ఏ స్థాయి లో ఊపిరి ఊదిందో ఆయన లైనప్‌ చూస్తూ ఉంటే అర్థం అవుతుంది అంటూ సినీ జనాలు మాట్లాడుకుంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.