ఫుల్ ఎనర్జీతో సురివా అంటున్నారే

అజిత్ వివేగం తమిళనాడులో ఇప్పుడు హాట్ టాపిక్ అయ్యింది. ఈ యాక్షన్ థ్రిల్లర్ సినిమాకు సంబంధించి ఒక పాట టీజర్ని విడుదల చేశారు. వీరం - వేదాళం తర్వాత డైరెక్టర్ శివ - హీరో అజిత్ కాంబినేషన్లో వస్తున్న సినిమా కావడంతో ఈ సినిమా మ్యూజిక్ పైన సినిమా పైన భారీ అంచనాలు ఉన్నాయి. ఈ సినిమా క్రేజ్ మరింత పెరిగింది.

‘సురివా’ అనే పాటతో ఇప్పుడు రచ్చ చేస్తున్నాడు అజిత్. ఇంగ్లిష్ తమిళ్ కలిపి యూత్ కి కిక్ ఇచ్చేలా పాటకు ట్యూన్ ఇవ్వడంలో అనిరుధ్‌ ఆరితేరాడు అనే చెప్పాలి. ఇప్పుడు ఈ పాట కూడా అంతే ఎనర్జీతో ఇచ్చి అభిమానులును ఉత్సాహం రెట్టింపు చేశాడు. అనిరుధ్‌ సంగీతం అందిస్తున్న ఈ సినిమాలోని ‘సురివా’ పాటను తన స్టూడియోలో పాడుతూ అందరికీ వినిపించాడు. ఇంగ్లీష్‌ - తమిళ పదాలతో కలగలిపి ఉన్న లిరిక్స్‌తోఉన్న ఈ పాట ట్యూన్‌ పాడుకోవడానికి సులువుగా ఉండటంతో అభిమానులను ఆకట్టుకుంటోంది. దీంతో విడుదల చేసిన కొద్దిసేపటికే యూట్యూబ్‌ లో దాదాపు 10 లక్షల వ్యూలు వచ్చాయి. పూర్తి పాటను జూన్‌ 19న విడుదల చేస్తారు అని చెబుతున్నారు.

ఇకపోతే వివేగం పోస్ట్ ప్రొడక్షన్ పనులు వేగంగా జరుతున్నాయి. శివ దర్శకత్వంలో రూపొందుతున్న ఈ చిత్రంలో బాలీవుడ్‌ నటుడు వివేక్‌ ఒబెరాయ్‌ ప్రతినాయక పాత్రలో కన్పించబోతున్నారు. కాజల్‌ అగర్వాల్‌, అక్షరా హాసన్‌ కథానాయికలు. ఆగస్టులో చిత్రాన్ని విడుదల చేసేందుకు రంగం సిద్దమైంది.



Like Us on Facebook : https://www.facebook.com/Tupakidotcom/